Kay Comisión del Derecho a la Salud tantari, Deporte kamachiyka allikawsaypi hatun llaki ama tiyachun harkan kunan tutamanta Organización Nacional Antidopaje del Ecuador (Onade) tantaripak alli yuyayta chaskirka.
Shinallatak Federación Ecuatoriana de Triatlón tantaripak yuyayta chaskirka. Ishkantin tantarikunami Mamallaktapi alli kamachiy tiyachun mañarka.
Chay Tratados y Acuerdos Internacionales ista yuyarikunawan, Código Mundial Antidopaje kamachiywan llakikuna tiyakpi wanachiyka, chaywan Deporte o la Agencia Mundial ukuwan alli pukllaykuna tiyachun ushaykunawan sinchita llankanka.
Paymanta Federación Ecuatoriana de Triatlón tantarita pushak, Julio Ramírez, pukllak tantarikuna kikinllatak pushachun mañarka, chayta kay mushuk kamachiy yanapachun nishpa yuyayta churarka. Pukllay tantarikunaka ayllullatamanta shamuchun mañarka.
Shinallatak Ramírez pushakka, kamachypi tiyak wallpakkunaka, sapan pukllak tantari imashina wakllparishka kashkata sumaychachun mañarka. Kipaman unipak tiyak pukllakkuna tiyachun, yanapak pukllakkuna mirarichun mañarka. Tukuy pukllakkuna rimanakushpa, yuyarishpa Mamallaktapi allita yachak pukllakkuna, mashikunata yanapak pukllakkuna rikurichun mañarka.
Tayta, William Garzón tantarita pushakka, sapan churashka yuyaykunata allita rikuna kan nirka, rimanakuna patakuta pushak achiklla pukllay llankayakuna mirarichun mañarka, chay hatun yuyaykunawan alli kamachiy killkarichun mañarka.
RSA/cz/jc-kichwa
