Llaktakwasi Petroecuador, Petroamazonas llankakwasita shukllayachina hawalla, kasiklla kashkashta René Ortiz Durán, Energía y Recursos Naturales no Renovables kamachikpak yuyaypika rikurirka.
SAhinami Comisión de Biodiversidad tantari, Alberto Zambrano pushakpak ñawpakpi riksichirka, tukuykunaman willarka.
Kay kamachikpak yuyaypika, kay punka llankakwasita shukyachina katikuyka yallik wata karwa killamanta kallarirka, kay 2021 wata aymuriray killakaman kanka, rimarka. Kay llankaknawasika punkarata surkushpa, ista katuna shuk punchapash mana shayarirka nishpa willarka, tukuy punkara mankakunata katushka, nirka.
Paymanta, Gonzalo Maldonado, General de Petroecuador kamachikka punkara surkuk llankakwasikunata chakrakunaka tukuy rikuchishka katikunata rurashkami kan, chaytami 20 puncha, 2021 watakaman paktachina kan, chaykama Nueva Petroecuador llankakwasi llankankapa ña shayarinka nirka.
Kay Campo Sacha, bloque 60 kuskamanta rimashpaka, Ministro de Energía y Recursos Naturales no Renovables kamachikka kay kuskata kallaripi churakunchik nirka, imashina llankachina Petroecuador llankakwasipak makipi katinka nirka. Chay llankaykunaka chayrak mana kallarishkachu kan, rimarka.
Punkara Bloque Petrolero 10 kuskataka, chay Plus Petrol llankawasi rikuchin kuskami rikurin. Kay hawa, Kamaywasimanta María Elena Hurtado, 20 wtata llankakun, chayka washaman tikranata mana ushankachu rimarka, chay llankaykunata ayllullaktakunami rikunata charin, hatun llankaykunataka COVID-19 hatun unkuymi wakllichishka, nirka. .
Kay rimanakuyta tukuchishpa Alberto Zambrano tantarita pushak, chay Energía y Recursos Naturales no Renovables kamaywasita, General de Plus Petrol kamachikta kayarka, paykunawan llankana katikillata rurarka, Campo 10 kushkata rikuchun, chaypi kawsak ayllullaktawan rimanakuchun mañarka, chay kuskamanta surkushka punkara kapuk ayllukunaman yanapay tiyana hawa rimachun mañarka.
EG/cz/jc-kichwa
