Mamallakta Tantanakuy, 694 atinakuypi, Creación de la Escuela Superior Politécnica Agropecuaria de Manabí Manuel Félix López kamachiyta, 113 apuchiwan, allichishpa arinirka.
Chay, Quiroga shulkamanta, Manabí marka ukupi, Calceta kuska, Bolívar kitiman yallichinata arinirka.
Kamachiy killkak, Teresa Benavides, paymi Escuela Superior Politécnica Agropecuaria kamachiyta churarka.
Kay yachanawasika Manabi markapi kawsak runakuna, llaktayukkuna allí yuyayta charichun, llankaykunata wiñachichun achkata yanapanka, kipaman kullki mirarichun sapi kanka.
Kay yachanawasipak yuyayka pakta runakunata allita yachachina yuyaytami charin, kipaman paykuna Mamallakta wiñarichun yanapanka, yachakukkuna amawta rikuyta, runakunata yanapana yuyayta, sumakruray mushuk yachayta, kawsaytarpuy yachayta charichun yachachikunata yachachinka.
Kay yachaymi tarpunata, hampinata, riksinata pushachun yachachinka. Mutsuykunata riksichun llaktakunata yachachinka, willaykunata yachachinka. Shamuk punchakunapi, Mamakamachiy rimashkata hapishpa, Función Legislativa kamachiyta paktachishpa llaktakunaman alli kamachiyta chayachinka.
JLVN/cz/jc-kichwa
