Kay Comisión de Derechos Colectivos, Jaime Olivo, kamachiy killkak pushashka, chay Derechos Colectivos del Pueblo Afroecuatoriano Kamchiyta kallari rimanakuyta charinkapa pachata chutachinka.
Chaymanta, achka runakunawan rimanakuyta charinka, chaymanta Esmeraldas markamanta yana runa rimanka, Consejo para la Igualdad de Pueblosa kamachik, Imbabura, Carchi markakunamanta rimanka.
Pushak, Pablo de la Torre, Confederación Afroecuatoriana del Norte de Esmeraldas shamuk, kay kamachiyta allita rimanakunka, allichinka pachakunata mirachina, arinishka yuyaykunata yaykuchina nirka, ista llaktakunapak yuyaykunatapashk hapina, Desarrollo Fronterizo kamachiypak, Educación Intercultural kamachiypak, Tierras y Territorios Ancestrales kamachiypak rimaykunata hapina nirka.
Kay Orfa Reinoso, Consejo Nacional para la Igualdad de Pueblos y Nacionalidades kamachikpak yuyaypika, yana runakunapak Kunakpak ñawpakpi churana kachun mañarka, Mamallaktamanta runakunata rikukpika, 7,5 % patsakri runami kan nirka, kichwa runakuna, yallika mana kanchu, yana runaka rimarka.
Tawkakunamanta rikukpika, Imbabura markamanta, Carchi markamanta shamuk Salomón Acosta, Federación de Organizaciones Negras tantarita pushakkunaman yaykurishka, Ecuador llaktapi kawsak yana runakunapak hayñita kamashpa katichun mañarka, 500 watata mana riksishka kashka nirka, chaymanta Mamallakta wiñarichun, ñukanchikta kamana, rimarka.
Paymanta, José Chalá. Chimborazo markamanta kamachiy killkak, yana runami kay kamachiyta churarka, paymi Ecuador llaktapi kawsak yana runakunata Ecuador llakta kamachun shuk kamachiy tiyana nirka, kay kamachiyka utkashkami mutsurin, rimarka. Kay kamachiywan yana runakunata tsikni, manyayachi tukurinka nirka, tukuylla llankaykunapi arinina tiyachun mañarka. Yana runakunapak hayñikuna mana pakirinka, kawsaykunapash allichirinka, rimarka.
EG/cz/jc-kichwa
