Shinami Reforma Diversos Cuerpos Legales para Reforzar la Prevención y el Combate al Comercio Ilícito, Fortalecer la Industria Nacional y Fomentar el Comercio Electrónico kamachiyta ishkaykutin manarak atinakukpi, Comisión de Justicia tantari, tawka yachakkunapak, yachachikkunapak yuyayta chaskirka.
Chaymanta, José Serrano, rimanakuna patakuta pushak, kaymanta 20 punchapi, Mamallakta Tantanakuy, paypak hatun rimanakuypi rikischun kamachiyta churana nirka.
Chaypimi kamachiy killkakkuna achkata rimanakunka nirka. Kay kamachiyka shuwashpa katukkunata, kamachiyta pakishpa ama katuchun harkanka nishpa tukuy kamachiy killkakkunaman riksichirka.
Kay Rodrigo Collaguazo kamachiy killkak, mamakucha punkuta, antanka shayana punkuta shuwakuna kanchaman katunata, shinallatak kamachiyta pakishpa 80% patsakri nipakunata ista llaktakunamanta apamunata harkana, nirka. Tayta Héctor Muñoz kamachiy killkak, churashka kullkita urayachichun mana mañamchu nirka.
Tayta, Daniel Dorado, Internacional para América Latina de Políticas Públicas (CILA) kamaywasita pushak, kay Convenio Marco para el control del Tabaco llankay yuyari, chay Protocolo para el Comercio Ilícito para Productos de Tabaco llankay yuyari, imashina shuwashpa, kamachiyta pakishpa katukkunata, rantikina harkanata achiklla rikuchin nirka.
Shinallatak Blanca Llorente, Fundación Anáas-Colombia ista kamaywasimanta shamuk, mashi Mamallaktakuna makita kushka shuwakkunata harkana nirka, chapakunata churashpa harkana nirka, willaykunata kachashpa, kipi rikuk kamachikkunawan tantarishpa, rimaykunata charishpa hatun harkaykunata churana, rimarka.
Imashinami, Tatiana Villacrés, Pontificia Universidad Católica del Ecuador yachnawasimanta shamuk, achka harkakunata charin nirka. Ña tukuchinkapa Finalmente, Guillermo Paraje, Escuela de Negocios de la Universidad Adolfo Ibañez de Chile yachanawasimanta shamuk, shayrita rurak llankakwasika runakunapak allikawsayta mana munan nirka, chaymanta runakuna allikawsayta charichun kallari llankay kachun nirka.
MG/cz/jc-kichwa
