Kay 692 yupay rimanakuypi, Mamallakta Tantanakuy Reformatoria de la Ley Orgánica de Educación Intercultural (LOEI) kamachiyta ishkaykutin atinakuyta kallarirka.
Shinami, kaytaka Comisión de Educación, Cultura, Ciencia y Tecnología tantari, kamachiy killkakkunawan tawka rimanakuykunapi allichishkami kan.
Shinami kay kamachiyta mushukyachinkapa, llaktakunawan 24 yachaykunata rurarka, kamachiy killkakkunapak 32 mushuk yuyaykunata hapirka. Chaywan kamachiypak 80% nikikunata allichirka. Yachay kamachiyka 2011 watapi arinishkami karka.
Kay kamachiy allichirishpaka, Sistema Nacional de Educación llankayta allichinka nirka, kawsaypura yachayta, llankayta, kimirnakuyta, runashimikunata, rimaykunata ñawpa pukllaykunata, takikunata, tushuykunata, amawtayachayta, sumakrurayta sinchiyachinka, rimarka.
Yachayka, Declaración Universal de Derechos Humanos de Naciones Unidas (1948) ista kamachiy riksishkami kin nirka, chaymanta kay kamachiyta mushukyachishpaka yachanawasikuna wamrakunata, yachakukkunata takaykuna, tsiknikuna tukurinks nirka. Shinallatak yachakukkunman paykuna llankashkamanta kullkita ñapash chayachichun yanapanka, ayllullaktakunapi runa ishkayshimita yachak runakunata churanka nirka. Yachakukkuna tawkakawsaytami riksichishka kanka nirka.
Shinami Comisión de Educación, Jimmy Candell, kay kamachiyta churakshina, tantariman 12 yaykurishka kamachiy killkakkunawan, taytamamakunawan, yachakukkunawan, yachanawasita pushashkunawan, FESE pushakwan, UNE pushakwan, Red de Maestros pushakwan, Frente 13 de Abril tantariwan, Unesco kamaywasiwan, Estados Iberoamericanos Tantariwan, tukuylla kamachikwan, shukpaklla yachanawasi kamachikwan rimanakuyta charinka.
Chay rimanakuypika, Ecuador llakta mashna kullkita, yachachikkunawan rimanakuyta mana charishkata, paykuna llankashkamanta kullkita mana chayachishkata riksichinka. Chaytaka 6 % del Producto Interno Bruto (PIB) kullkita chayachinka nirka.
Kay yachay kamachiyta achkata rimanakushpa, César Litardo Caicedo, Mamallakta Tantakuyta pushak, ñawpakman, kamachiy killkakkunapak 21 rimaykuna tiyan nirka, kunanka paykuna LOEI kamachiy hawa rimayta uyan mana paktanchik nishpa, sakichirka, shamuk hunkapi rimanakuypi tiyanka nirka.
MG/cz/jc-kichwa
