Kayna puncha 112 hatun kamachiy killkakuna, 692 yupay rimanakuyta tukuykuna charirka. Chaypi Educación Intercultural (LOEI) kamachiyta ishkaykutin atinakunkapa, kipaman arininkapa tantarinka.
Shinami 23 kamachiy killkakkuna rimashka kipa, tayta César Litardo Caicedo, Mamallakta Tantanakuyta Pushak rimanakuyta wichkarka.
Kipaman Comisión de Educación, Cultura, Ciencia y Tecnología minkashka, kamachiy killkakkuna, kamachikkuna, tantarikuna mushuk yuyayta churashkata llikachun mañarka, chaytami shamuk manra, 09 puncha kutintak rimanakuyman kayarka.
Kay allichishka Yachay kamachiy Mamakamachiywan kimirik nikita rikuchun mañarka.
Kay nikikunaka Mamallakta pay hatun kullkita yachaypi churachun rikuchin, chaytami kaya kamachiywan paktachina nishpa rikuchin, chaymanta Producto Interno Bruto (PIB) kullkimanta patsakmanta sukta patsakrita churachun mañan.
Shinami tukuy yachay hayñikuna paktachun kamana nirka, chaypak tisiku runakunata, yachakukkunata kallaripi churashpa paktachichun mañarka, paykunata ama tsiknichun, yachakukkunata ashtawan yachachichun yuyayta kurka, yachaykuna tukuypak pakta kachun mañarka.
Mushuk sami yachayka istallaktakuna imashina yachayta pushakushkawan pakta kan nishpa rikuchirka, kay COVID-19 hatun unkuyta kitikunapi, llaktakunapi, shulkakunapi hampishka kipa paykunapak yachanawasiman tikrachun kamanka nirka. Chaypak Ministerio de Educación kamaywasi, Mamallakta Tantanakuyman imashina llankayñanta chayachichun mañarka.
Ña tukuchinkapa tukuy llaktakunapi, kitikunapi, markakunapi, maypipash llankak yachachikkuna kawsaykamayta kushka kanka nirka, 30 watata llankakpi yachachina llankaymanta llukshichun, llankayyuyarita charik yachachikkuna llankaypi shutichishkata hapinka.
MG/cz/jc-kichwa
