Kay Día Internacional de la Mujer punchata yuyarishpa “Mujeres: Virtudes, Fortalezas y Desafíos” hawan rimarka.
Kay tarinakuytaka Mamallakta Tantanakuywan, Unidad Nacional de Investigación Contra la Violencia de Género, Mujer, Familia y Miembros del Núcleo Familiar (Univif) de la Policía Nacional tantariwan rimarka, kayna chishimi rimanakuyta rurarka.
Chaymanta Mamallakta Tantanakuyta pushak shamuk saywakunapi chay Economía Violeta kamachiy yaykumanunka nirka.
Chay kamachiyka Mamallakta pushak killkashkami kan, runakuna, llaktakuna pakta pakta kawsachunmi yanapan nirka. Kay punchaka warmikuna ñakarishpa shamushkatami yuyarinchik nirka.
Chaymanta Ángel Sinmaleza kamachiy killkak, tukuylla llankaykunapi warmikuna ñakarishkata rimarka. Kunankama karikunami warmipak shutipi arinishpa shamushka, chaytami atinakurka. Kay Objetivos de Desarrollo Sostenible (ODS) llankayka warmikuna tantarikunapi, atinakuypi, chimpapuraykunapi kachunmi pushanka.
Kay Natasha Montero, Socióloga de la Pontificia Universidad Católica del Ecuador (Puce) hatun yachakka, warmikuna wiñaykawsaymanta llakichishpa yumayta, takayta, tsiknita, kari sarushkamanta Allpapachapi, Ecuador llaktapi achunchinkapa pushak warmikuna ñakarimushkata rikchichirka.
Kay rimanakuypi Distrito Metropolitano de Quito, Gissela Chalá kamachik karka, paypash warmikunata takashkamanta rimarka, kay COVID-19 hatun unkuy takashkamantapash riksichirka, hatun unkuypunchakunaka wasisipi kusawarmi takanakuyta charishkata rimarka, wakin makanakuykunaka warmita wañuchishpa tukuchirka, chaytami willarka.
Shinallatak Centro Ecuatoriano para la Promoción y Acción de la Mujer (Cepam), Lilia Rodríguez pushakka, Mamallaktapi kawsak warmikunapak hayñimanta rimarka. Runa kawsaypi warmita takayta kay hatun unkuy purikuy pachaka ashtawanmi mirarirka, chay llakikunaka tupushkami tiyan nirka.
Mama Karina Estrella, Fundación Corazones en Acción tantarimanta warmipak llakikuna, takaykuna, hamikuna tiyakpi chayta rikuk kamachikkunaman willana kanka nirka. Chay llakikunata rikushpa Policía Nacional kamachik kishpiychishkata rikuchirka.
Mamallakta Tantanakuyta pushak Secretaria de Derechos Humanos, Cecilia Chacón, pushakta chaskirka, payka watapi Prevención y Erradicación de la Violencia contra la Mujer kamachiywan llankashkata rikuchirka, tukuylla kamaywasikuna chay kamachiywan llankakpi paktashkata willachun mañarka.
EA/cz/jc-kichwa
