Kay Ecuador llaktamanta pachamamta ukllak tantarikuna, wiwata kamak tantarikuna, Código de Ambiente kamachiyta allichinkapa rikuykunata churarka.
Chaymanta Comisión de Biodiversidad tantari kallari atinakuyta rurachun yuyaykunata kayna rimankuypimi churarka.
Kallaripika Hugo Echeverría, Protección al Medio Ambiente CDER tantarita pushakmi rimayta charirka.
Paykunapak yuyaypika kay kamachiyta allichina yuyaytami charirka, mushuk nikikunapash Mamakamachiywan mana takarik kachun, kamachiywan kamayta yanapachun mañarka.
Mama, Cristina Cely, One Health en Ecuador tantarita pushak, wakinkunaka mamakuchata mapayachishpa chalwashkatami rimarka, Chalway kamachiyta achkata riksirka, shinanapash kamachiyta, alli llankaykunata paktachinkapa uchilla kamachiy illan nirka, chalwashpa mamakuchuta mapayachikpika kullkita hapinatami ashayachin.
Shinallatak, Cristina Alarcón, Movimiento Animalista Nacional (MAN) tantarimanta shamuk, kitikunapi wiwakunata wiñachinamanta, charinamanta rimarka. Kitikunapi kawsak wiwakunataka allita kamana, mikunata karana, unkukpi hampina, armachina, alli mikunata rantina nirka. Shinami Declaración de Cambridge Cobre Conciencia Animal kamachiyta paktachina, nirka.
Tukuripika, Shady Heredia, Protección Animal Ecuador (PAE) kamachik karka, paykunaka Código de Ambiente kamachiyta allichinamanta, nikikunata mushukyachinamanta rimarka. Kitipi kawsak wiwakunata, kanchamanta shamuk wiwakunata imashina charinamanta, kamanamanta, ukllanamanta rikuna kachun nirka.
EA/cz/jc-kichwa
