Kunan tutamanta, Mamallakta Tantankuyta pushak , César Litardo Caicedo, chay “Del Cerro a la ría, Durán un Recorrido Histórico” kamuta chaskirka.
Chayka Mamallakta Tantanakuypak kamu wasipak ukupi kipurinka, maymutsurik Durán kitipak, Juan Jiménez Kunak killkashkami kan, chay kitika Guayas markapimi sakirin.
Kay kamutaka, Juan Jiménez y Giannina Cabrera yachakmi killkarka, paymi maymutsurik Durán kitipak, Guayas markamanta runakunata tapushpa killkarka.
Chaymantami ñukanchik Ecuador llaktapi rikukpika suktanikipi kiti kan, chay kiti wiñarishka pachamanta rikukpi puna llaktakuna, yunka llaktakuna kullkipi wiñarichun achkata antakuruwan yanaparka.
Tayta, Juan Jiménez yachakka, Duran llakpi kawsak runakunapak wiñay kawsayta killkana may alli karka nirka, kunan kamana mayhanpash mnana killkashka kana, chaymanta, Guayaquil llaktamanta, Quito llaktamanta kimirishka wiñay kawsayta kay kamupika killkashka kan nishpa willarka. Kay kamupi wiñaykawsay unanchata rikuchini nirka.
Chay wiñaykawasy killkashkata rikushpa Mamallakta Tantanakuyta pushak, Durán kitimanta, Guayas markamanta, Mamallaktapak llaktakunamanta killakkuna kawsaymanta taripashpa killkashkamanta achkata yupaycharka.
Kay sumak yachayta riksishpa, “Del cerro a la ría, Durán un recorrido histórico”, kamuka Archivo Biblioteca de la Función Legislativa ukupi kipurishpa tiyarichun mañarka, kipaman yachakkuna, killkakkuna, amawtakuna tapuchun, yachachun, taripachun nirka, kipaman paykunapash shuk mushuk kamuta killakachun mañarka.
EG/cz/jc-kichwa
