Kay Derechos Colectivos tantaripi, chay Jorge Navarrete, Servicio Nacional de Atención Integral a Personas Adultas Privadas de la Libertad y a Adolescentes Infractores (SNAI) kamachikta chaskirka.
Payka, wichkana wasikunapi llakikuna tiyakta, runahayñita pakishkata rikushpa, wishkashka runakunata tiyachinkapa, kamankapa pata mana tiyanchu nirka.
Chay wichkana wasikunapi 500 wanachishka runakuna makanakushpa, takanakushpa wañuykuna tiyakta achkakunaman riksichirka.
Chaymanta shuktak wichnawasikunaman kachashka tiyarin nirka. Hatun shuwakunata, supaychashka runakuna wichkana alli wasikuna, hatun pampata charik wichna wasikunami tiyana kan nirka. Paykunami mana kasilla tiyachun mana sakin.
Kay 2019 watapika, ishkay sukta killamanta, 5657 wichkashka rununamanta Mamallaktamanta yanapaykuna tiyarka nishpa willarka. Shinallatak 2020 watapika 7173 wanachishka runakunata shukta wichkanawasiman kachashkata riksichirka, kay COVID-19 hatun unkuy tiyakpipapsh shuktak kuskaman kacharka, 2021 watapika 974 supaychashkakuna kacharka.
Kamachik, Juan Cristóbal Lloret kamachiy killkak, kay Sistema de Rehabilitación Social llikaman kullki tiyashkata, mana tiyashkata rikuchichun mañarka, shinallatak mashna wanaykuna yaykushkata, mashnakuna wichnawasiman mana yaykushkata willarka. Mashna wanachishkata rikuchichun, mayhantak punku paskanata charishka riksina karka.
Chaymantaka, Derechos Colectivos tantarika, kimsakutinmi Comandante General de la Policía Nacional, Patricio Carrillo kamachikta kayarka; kunanpi Gobierno, Gabriel Martínez Castro kamachikta kayarka, paymi Sistema Nacional de Rehabilitación Social hawa riksichina karka, shinapash mana shanurka.
JLVN/cz/jc-kichwa
