Kunan tutamanta, Mamallakta Tantanakuyta Pushak, César Litardo Caicedo marka kipakamachik mañayta chaskirka.
Paykunaka Código Orgánico de Organización Territorial, Autonomía y Descentralización (Cootad) kamachiyta allichichun mañarka.
Marka kipapushakkuna llaktakunata yanapak shuk llankaytalla charichun, kamachiypi killkarichun mañarka.
Kay Jhoa Chong Qui, Los Ríos markamanta marka kipakamchik, kamachiypak nikikunata chay II Encuentro Nacional de Viceprefectos rimanakuypi allichshkami kan nishpa willarka, markapak alli kachun llankayka kipapushakkkuna munashka kachun nirka.
Ashtawankari kamachiypak 50 nikita, 52 nikita allichina nishpa riksichirka. Kallaripika Markapushak Consejo kunakpi, shinallatak Cámara Provincial tantaripi ima llankaykunata ruranata killkana nirka, chaypimi marka kipamachik ruranata willanka nirka.
Kay Defensoría del Pueblo kamaywasimanta shamuk, Edmundo Vaca kamachik, kay COTAD kamachiyta allichinkapa yachakkunamanta sumakruray yanapayta charishkata riksichirka, paykunapak hayñi ukupi, apuy ukupi llankaykuna paktashpa katichun rikuykunata churashpa punchanta katina nirka.
Paymanta, César Litardo Caicedo, Mamallakta Tantanakuyta pushak, paypak yuyaypika riksishka llakimantalla kanchu, kamaywasiyaymantami kan nirka, chaymanta nikikunata katishpa allichina kan nirka. Chaymi paktakaywan, runakunapak kawsaywan kimirishka rikurinka nirka.
Takay llakikunamanta yuyaririshpa Código de la Democracia kamachiyta ashtawan allichina, warmikuna chayman yaykurishpa ashtawan alli llankaykunata rurana kachun mushyachishka kamachiyka yanapanka nirka, chaymanta kay Economía Violeta kamachiyta arinichun mañarka. May tukuylla kamaywasipi kimsa kari kakpi, shuk warmi pushak tiyarichun kamachuypi killkashun nirka.
RSA/cz/jc-kichwa
