Kay Derechos Colectivos tantari, José Gabriel Martínez kamachiy killkak pushashka, kunan Ministro de Gobierno kamachik, paymi Sistema de Rehabilitación Social kamachikta churarka.
Chaymanta pawkar killka, 16 puncha, chikan Mamallaktapak kamaywasikunata, kayarka, paykunawan imashina kishpiyta kichushka, wichkashka runakunaman alli kawsayta kuna hawa rimarka.
Hatun kamchik kay Rehabilitación Social llika, kay llakita rikuk hatun kamachikkunami wichkashka arunakuna alli kawsachun, puñuchun, mikuchun rikunata makipi charin.
Sapan wichkana wasikuntaka Cuerpo de Seguridad Penitenciaria kamachikkunami rikunata charin, chaymanta SNAI chapashpa katinka. Kay Policía Nacional wichkanawasi pampakunata chapanata paypak makipi charinn rimarka. Wichnawsipika 38693 runakunami kishpita kichushka kawsan nirka.
Hatun kamachik rimashka kipa Ximena Chactong rimayta charirka, payka llakikuna ma katichun wichnawasipi alli yachak kamachikta churana nirka. Shinallatak Juan Lloret kamachiy killkak, kay mañayka ishkay watamanta tiyan.
Shinapash llakita mana alliyachishka nirka. Kutin Carlos Cambala kamachiy killkak, kay llakita allichinkapa Mamallaktapak tukuylla llaktayta churana, chaywan kishpiyta kichushka runakunaman yachachina, pukllachina, llankachina, chay kari warmi runakunaman, ayllukunamanpash alli yuyaykunata umapi churana nirka.
Chay katipika, Patricio Carrillo, Policía Nacional chapak kamachikta chaskirka, wanachina wasita riukuk kamaywasita anchuchikpi chapak kamachikkunapash anchuchirka nishpa riksichirka, chaymi imashina wichkanawasi katikishkata, imanikkunata mana kamachikkunapash riksirka, paykuna kacharishka karka, chaymi takaykuna, wañuykuna rikurirka, kay Cuerpo Penitenciario kamachikkunapash manchaymanta mana chapashka nirka.
JLVN/cz/jc-kichwa
