Kay Comisión de Régimen Económico tantari, 12 apuchiwan Régimen Tributario Interno kamachiy willayta arinirka.
Chaywan Gobiernos Autónomos Descentralizados (GAD) kamaywasi hatun yachanawasikunaman iva kullkita mana kunka,
Paykunapak Impuesto al Valor Agregado (IVA) kullki sakirinka. Cahy kullkiwan alli llankaykunata llaktakunaman, markakunaman, shulkakunaman, yachakukkunaman ruranka,
Kay kamachiyta churak Henry Kronfle, kamachiy killkak, hay sakirik kullkitaka chakatashpa Servicio de Rentas Internas (SRI) kamaywasiwan ruranka, kikinllatak karupi llankak kamaywasikuna llankaykunata ruranka kullkita charinka. Yachanawasikuna yachakukkunata yanapankapa kullkita charinka..
Tayta Franco Romero kamachiy killkak, Comisión de Régimen Económico tantarita pushak, shinami Mamallakta Tantanakuypi 800 hunumanta, waranka hunukama kikinllatak karupi kamachikkuna, hatun yachanawasikuna, kitikuna, sulkakuna hapichun arininka.
Shuk yallichina nikita churan, chaywan charinakunata rantishpapash, katushpapash IVA kullkita hatun kamachikman mana chayachinka, chaypak rantika kitikunapi, shulkakunapi, yachanawasimanpi, markakunapi mutsuykunata allichinka, llankaykunata hawaman pushanka. Shinami Ministerio de Economía y Finanzas chay kullkita kuna rantika, 30 punchapi Kamachiy churashkata katishpa kikinllatak karupi kamachikkunaman kullkita churanka.
Chaymanta, Ministerio de Economía y Finanzas kamaywasimi paypak mamakullkita, kipaman Presupuesto General del Estado kullkimanta kuchun, IVA kullkimanta tikrachichun kullkita chayachinka, kipaman paykuna charishkakunata katushkamanta, shuktak makiman kachashkamanta Gobierno Central kamachikman, imamshina Kamachiy rimashkata katishpa 180 punchapi chayachinka.
JLVN/cz/jc-kichwa
