Mushuk kamachiy killkakkuna, kunan wata, aymuray killa, 14 punchamanta llankarinka. Chaymanta, Mamallakta Tantanakuy arinishka 95 % patsakri Kamachiykuna llankayman yaykurinka.
Shuk kamachiyka Función Legislativa (LOFL) shutimi kan. Kay ukupimi César Litardo Caicedo, Mamallakta Tantanakuyta pushak, paypak llankayta tukuchinka, chaypak 40 puncha sirin.
Shinami tayta, Litardo Mamallakta Tantanakuyta pushak willarka, ishkay rimanakuyta charishun nirka.
Kallartipika, mushuk llaktay tantarikunata pushakwan, imashinba llankaykuna sakirikta willankapa rimnakuyta charinka, mushuk kamachiy killakakkunaka 2021watamanta, 2025 watakama llankanka, paykunaman imashina LOFL kamachiywan llankanata willanka.
Shuktak rimanakuyta Pierina Correa, Salvador Quishpe, Wilma Andrade kamachiy killkakkunawan rimanakuyta charinka. Kay rimanakuyta mushuk kamachiy killkakuna imashinatak kallarti rimanakuyta, mushuk pushakkunata akllanamanta rimanka. Mushuk pushakkunami Kamachiypi kimirishpa kallari atinakuyta pushanka.
Mamallakta Tantanakuy yachaykunawan chay 137 kamachiy killkakkuna pushanata yachachinka, kay llankaykunataka ayriwa killa 1 punchamanta, al 30 punchakama yachanka. Chaypak Instituto Ecuatoriano de Estudios Legislativos kamaywasi, Fundación de Estudios Parlamentarios Manuel Giménez Abad kamaywasi, Cortes de Aragón de España kamaywasi yanapashka kanka, Universidad de Especialidades Espíritu Santo yachanawasi yanapashka kanka.
Yachaykunapika pichka kamukunata tukuchinka. Kallarika Mamallakta Tantanakuyta awllinata yachachinka. Ishkaynikipi Kamachiykunata killkanata, kamachiywan llankanata yachachinka. Kimsanikipi yachaypika kamachiy killakkunata pushanata yachachinka. Chuskunikipika Mamallaktapak llankaykunata, llaktayta chapanata, yachachinka. Tukuchinkapaka hayñikunamanta willayta, llaktayukkuna chaypikayta yachachinka.
Mushuk kamachiy killkakkunapak llankaykunaka punku paskashka, wachurayashka kanka. Paykunaka ayriwakilla 30 punchakama kanka. Yachachikkuna kay Derecho Parlamentario y la Técnica Legislativa hawa yachachishkata mushuk kamachiy killkakkuna hapikta katinka. Shinami LOF kamachiy, paypak nikikuna paktakta riksinka, Mamallakta Tankanakuy, Mamallaktapak kallari kamaywasi kakta riksichinka.
CZ/sm/jc-kichwa
