Mamallakta Tantanakuy 68 alli apuchiwan kay Código Monetario y Financiero para la Defensa de la Dolarización kamachiyta arinirka.
Shinapsh 41 apuchiwan mananirka, shuk yurak, kanchis shuyaypi sakirirka. Kay kamachiyka utka kamachiytami charin, kipaman Mamallakta pushak arinichun.
Ishkaykutin rimanakuypika, 28 kamachiy killkakkuna rimayta charirka, paykuna rikuykunata churarka, kay kamachiyka chay Banco Central del Ecuador (BCE) kullkiwasi dólar kullkita kamachun yanapanka. Istallaktamanta, ñukachik Mamallaktamanta kullki charikkuna kullkita churachun, surkuchun yanapanka.
Kay mushuk kamachiywan takarik kamachiy killkakkunaka, chay Código Monetario y Financiero para la Defensa de la Dolarización kamachiyka Mamakamachiywan takarin nirka. Kay Juntas Monetaria y Financiera kamachikta churankapa panta kan, kullkita pakalla llukshichichun panta kan nirka. Kay dólar kullki tiyachunka, mana wakaychishka kullki tiyashpalla katinkachu nirka.
Mushukyachina churashkakunapi, Para la Reestructuración de las Deudas de la Banca Pública, Banca Cerrada y Gestión del Sistema Financiero Nacional y Régimen de Valores Hatun kamachiypak sukta nikita rantinchina, Para el Cierre de la Crisis Bancaria de 1999 Hatun kamachiypak 19 nikita rantinchina nirka. Kay nikikuna hawami achkata atinakurka.
Mushuk kamachiypak paktana yuyayka sumak ruraywan Junta de Regularización de Política Monetaria tantariwan, Banco Central del Ecuador (BCE) kullkiwasita allita llankachina yuyaytani charin, shinami Mamakamachiypak 303 nikipi willan nirka. Kaytaka Mamallakta pushak, Mamakamachiypak 141 niki rimashkata hapishpa paktachina nirka.
JLVN/ea/jc-kichwa
