Kay Régimen Económico tantari, Franco Romero Loayza kamachiy killkak pushashka, kay Contratación Pública Hatun kamachiyta ishkaykutin atinakuypa iskun apuchiwan arinirka.
Kay kamachiywan tukuylla llankaypi shuwaykuna ama tiyachun harkanka, kamachiy killkakkuna nirka.
Minkashka, kaya kamachiyta allichinkap 19 rikuykunata llaktayukkunamanta, kamaywasikunamanta chaskirka. Shinallatak tantarikunamanta, 17 kamachikkunamanta yuyaykunata chaskirka, kay yuyaykunaka may allitami kamachiy killkarichun yanaparka.
Kay kamachiyka Sistema Nacional de Contratación Pública (SNCP) llankaypak sapi yuyaykunatami rikuchin, hatun kamachikkuna llankanatapash allita rikuchin, Servicio Nacional de Contratación Pública (Sercop) mitachitapash allita rikuchin. Tukuylla rantinakunata kamashpa kullkita alli yupaykunata rurachun achiklla rikuchinka.
Kay Contraloría General del Estado kamaywasi, 2020 wata tukuripika, 123 llankayta chapaykunata rurarka, chayka hampikunata rantishkata chapaymi karka, chaytami imashina hampina wasikunapi rantishka pankakunata, imashina hampikunata unkukkunaman chayachishkata rikurka. Kay Servicio Nacional de Contratación Pública kamaywasi rantichun rikuchishkata katishpa chaparka.
EG/ea/jc-kichwa
