Kay Asamblea de la Unión Interparlamentaria (UIP) Tantanakuypak Karumanta 142 yupay, kunan Puncha Rimanakuypi, allpapachapak chikan chikan Mamallaktakuna kamachiy killkakkuna Covid-19, unkuyta pichankapa añawharka paktaraki kachun, hampirinkapa yaykurinkapa tukuypak kachun mañarka.
Kay hatun karumanta rimanakuypika: Zimbawe, Baréin, Nueva Zelanda, España, Angola, Alemania, Chile, Ucrania, Mali, Azerbaiyán, Maodova, Colombia, Lesoto, El Congo, Federación Rusa, Mauricio, Nicaragua, Irán, Mozambique, Paraguay, México, Nigeria, Ruanda, China, Japón, Panamá, Corea del Sur, Rumania, Arabia, Egipto Mamallaktakuna karka.
Ñukanchikpak Ecuador llaktamanta, Alejandro Jaramillo kamachiy killkak, Wilma Andrade kamachiy killkak, Rina Campain kamachiy killkak, Pabel Muñoz kamachiy killkak, Consuelo Vega kamachiy killkak, Cristian Yucailla kamachiy killkak rimanakuypi karka.
Shuktak hatun rimanakuyka allpapachapi tiyak Mamallaktakuna rimanakuyta charina, kullkita kutintak mirachinkapa tukuylla llaktayta pushana yuyaykunami karka, kay Covid-19 hatun unkuyta harkankapa añawharkata hapina hawa rimanakurka. Kari warmi wawakuna, imillakunapak, yuyak runakunapak hayñitapash rimarka.
Kay UIP tantanakuypak 142 yupay tantaripika, 1000 rimachun kachashkamanta 37% patsakrimi warmikuna karka, shinallatak 25% patsakri paktarunakuna karka chaymantami Unión Interparlamentaria tantakuyka kari warmi, pakta runakuna shuk yuyayta churashpa hawaman llankana nirka, pakta runakuna kamachiy killkak tukushpa, rimayta, yachayta churashpa llankachun mañarka.
Kay Secretario General de la UIP, Martin Chungong, hatun rimayta uyachikkunaka UIP tantanakuy ashtawan hatunyachun yanapanka nirka, shamuk karumanta rimanakuypi rimaykuna ama pitirichun llikakunata allichichun mañarka, hatun unkuy chikan chikan Mamallaktakunapi chayrak katikun nirka.
Paymanta, Duarte Pacheco, UIP tantanakuyta pushak, allpapachapak shuyumanta tukuy kamachiy killkakkuna rimashkamanta, alli yuyaykunata churashkamanta achkata yupaycharka, kay Covid-19 hatun unkuymanta hampirinamanta, kishpiyrinamanta hatun yuyaykunata rikushishkamanta shunkumanta yupaycharka. Kay Objetivos de Desarrollo Sostenible (ODS) paktaykunawan chayankapa makita kushpa llankankapa arinirka.
EG/pv/jc-kichwa
