Kunan puncha chay Grupo Parlamentario por la Defensa de los Derechos de los Pescadores Artesanales tantarita wallparka.
Chaymanta paykuna chalwakkunata ukllankapa tukuylla llaktayta paktachinka rimanakuyta charin, kamachiykunata killkanka, paykunami mamakuchapi chalwashpa llankakkunata ukllanka.
Kay kamachiy killkakkunawan rimanakuypi, Esmeraldas markamanta, Lenin Lara kamachiy killkakta pushak tukuchun akllarka, shinallatak María del Carmen Aquino, kamachiy killkakta killkakamayuk tukuchun akllarka.
Kay tantari wiñarichun Lenin Mera Cedeño kamachiy killkak, Santa Elena markamanta kan, mamakuchapi chalwakkuna kamayta mana charin nirka. Kay 2019 watamanta, 2021 watakama, Fiscalía kamaywasi, mamakuchapi 1249 hatunhucha tukushkata rikischirka, chayka: chalwa kapukta, wampukkunata, kuyu shuway tiyashkata riksichirka.
Kay Grupo Parlamentario tantarika yunka llaktamanta pichka markamanta makiwan chalwakkunawan, Galápagos markamanta chalwakunawan rimanakuyta charirika, chaypimi chalwakkuna rimashkata uyanka, chalwa kapukkunawan llakita charishkata riksinka.
Chayta paktachinkapa Acuicultura y Pesca kamachiyta allichina nirka, chaywan imashina shuwaykuna tiyashkata richun mañanka, katipika Código Orgánico Integral Penal (COIP) kamachiyta allichinka. Chalway llankaypi hucha tiyashkata rimanka, chaykuna allichirichun katinka.
EG/pv/jc-kichwa
