Mamallakta Tantakuypak minashkakuna aymuray killa 31 punchamanta, Raymi killa, 4 punchakama shamuk suktak killapak katikillata ruranka.
Katipika kay Covid 19 unkuyta harkankapa añawharka katikushkata rikunka, shinallatak Impuesto a la Renta kullkimanta 2% patsakri yaykukushka hawa riksinka.
Kay Derecho a la Salud y el Deporte minkashka, Marcos Molina pushashka, Raymi killa, 3 puncha, chay Ministra de Salud Pública, Ximena Garzón kamachikta kayanka, chaypi Covid 19 unkuyta harkankapa añawharka Mamallakta katikushkata willanka.
Kay Comisión de Desarrollo Económico tantari, Daniel Noboa pushashka, chay Directora General del Servicio de Rentas Internas (SRI), Marisol Andrade kamachikta kayanka, Raymi killa, 2 puncha, 10h00 sayllata chayanka, 2% patsakri, llankakwasikunamanta Impuesto a la Renta hawa riksichinka.
Shinallatak Manuel Medina kamachiy killkak, Comisión de Educación tantarita pushak, Raymi killa, 1 puncha, 10h00 sayllata chayanka, chaypi Corte Constitucional kamaywasi, Educación Intercultural Hatun kamachiymanta rimanka shuktak yuyaykunata surkunka.
Raymi killa, 3 puncha, 10h00 sayllata Comisión de Gobiernos Autónomos tantari rimanakuyta charinka, Celestino Chumpi kamachiy killkak, rimanakunka patakupi sirik Kamachiykunata hawa rimanka. Minkashkakuna chay kamachiykunata kutintak wallpanata rimanka.
Kay Justicia y Estructura del Estado tantarita pushak, Alejandro Jaramillo, kamachiy killkakkunata Raymi killa, 1 puncha, 10h00 sayllata, minkashkaman yaykurishka kamachiy killkakkunata kayanka, chaypi 97 mushuk kamachiykuna sirikukta riksinka, imashina kamachiykuna killkanata, Mamallaktapak llankaykuna katinata yuyarinka.
Kay Comisión de Régimen Económico tantarita pushak, Mireya Pazmiño kamachiy killkak, ishkaykutin rimanakuyta charinka. Raymi killa, 1 puncha, 17h00 sayllata kamachiy killkakkuna tantarichun kayanka, kipa tantariwan 100 punchapak llankayñanta ruranka.
Kay Comisión de Biodiversidad y Recursos Naturales tantarita, Washington Varela kamachiy killkak pushashka, mama Guadalupe Llori, Mamallakta Tantanakuyta pushak, chusku kamachiykunata ishkaykutin atinakuyta charinkapa mañarka, chay kamachiyman rikuykunata churanka.
Katipika Recursos Hídricos, Uso y Aprovechamiento del Agua kamachiyta; kay Minería kamachiyta rikunka; kay Código Orgánico de Ambiente kamachiyta, Código de Organización Territorial, Autonomía y Descentralización (Cootad) kamachiyta; Régimen Especial de Galápagos kamachiyta atinakunka.
JLVN/pv/jc-kichwa
