Kay Protección Integral de Niñas, Niños y Adolescentes tantari, Pierina Correa kamachiy killkak pushashka, Día del Niño puncha kashkamanta, Mamakamachiy rimashkata, Istakamachiykuna rimashkata hapishpa, wawakuman, imillakunaman hayñita tikrachina nirka.
Paykunapak puncha kashkamanta Mamallaktapak istallaktapak chikan chikan llaktamanta kari warmi wawakuna, imillakuna karumanta rimayta charirka.
Shimani kamachiy killkakkunaman paykunapak alli kawsaymanta, yachaymanta, tinkirinamanta, wasimanta, allimikuymanta, shuktak mutsyukunamanta riksichirka.
Tayta, Joaquín González, Unicef en Ecuador kamaywasimanata shamuk, kari warmi wawakunapak hayñimanta llankayta allichina nirka. Payllatak, kay Código de Protección Integral de Niños, Niñas y Adolescentes (Copinna) kamachiyta allichinapi yanapasha nirka.
Chaymanta Yoselyn Fabara warmi wawa, Ecuador llaktapi wakchawawakuna kawsakta yanapana hawa tapurka. Chayta Correa kamachiy killkak, Mamallaktapak kullkiwan wawakunata allikawayta, yachayta, awpimikuyta kuchun, ama takay tiyachun rikusha nirka.
Shuktak wawakunapashrimayta charirka, chayka Matías wawa, paklla llaktakunapika willana llikata mana charinchik nirka, chayta hapinkapa hillaykunawan yanapaychik nirka.
Chayta uyashpa: Lenin Mera, Dallyana Passailaigue, Esther Cuesta, Jorge Abedrabbo kamachiy killkakkuna Mamallaktapak kullkiwan wawakunaman, imillakunaman allikawayta, yachayta, awpimikuyta kushpa yanapayta kuchun nirka, paykunata wasipi, ñanpi, yachanawasikunap takaykuna, llakichikuna ama tiyachun rikuchun mañarka.
Kay rimanakyta tukuchinkapa Minkashkata pushak, Pierina Correa, kari warmi wawakunaman, imillakunaman kallaripi churashpa yanapaykuna, kamaykuna, ukllaykuna paykunapak kawsaypi chayachun mañarka.
SV/pv/jc-kichwa
