Kunan tutamanta Mamallakta Tantanakuyta pushak, Guadalupe Llori Abarca, Ministra de Inclusión Económica y Social, Mae Montaño kamachikta chaskirka.
Kay rimanakuypi kamaywasipura makita kushpa llankanamanta rimarka.
Chaymanta Ecuador llaktapi kawsak runakunapak shutipi ishkantin kamaywasi llankashun, chaymi llaktakuna, runakunana, tantarikuna yupaychanka nirka.
Hatun kamachikka Mamallakta Tantanakuywan, pay pushakushka kamaywasiwan ishkantin tukushpa Ecuador llaktapi kawsak runakunata yanapankapa sinchita llankana hawa rimayta charirka.
Hatun kamachikka “Ecuador Nuevo” shutiwan llankana yuyayta churarka, chay yuyaywan kari warmi wawakunamanta, yuyak runakunamanta, llakta runakunamanta, yanarunakunamanta, yunkarunakunamanta llankashun, chaymi llaktakuna llankayman yaykurinka nirka..
“Ñukanchimanka Mamallakta Tantanakuywan llankanami may uksi kan nirka, kay kamaywasika Mamallakatapi kallari hatun kamaywasimi nishpa, rikuchirka”, shinami hatun yuyayta kurka.
RSA/pv/jc-kichwa
