Awllikkuna allikawsayta charichun Mamallakta Tantanakuy Covid-19 unkuy añawharkawan kallarirka.
Kay Administración General del Legislativo ukuka 50 watata charik runakumanta, tisiku runamanta, ancha unkuyta charik runamnata, chichu warmi, pichak runakunamanta kallarirka.
Kunan puncha, 310 runakunata, hampina, kay killa shamuk 29 punchakama 1000 runakunaman añawharkata churashun nirka. Shinami Consejo de Administración Legislativa kamachik churashka yachachita paktachishun nirka, shinapash asha asha tukuy hampirinkakama katishun nirka.
Amawta Diego Hinojosa, Ministerio de Salud Pública kamaywasimanta hampik, añawharkata churankapa minkashka kanchik nirka, chaymanta tisiku runata, ancha unkuyta charik runata, chichu warmita, pichak runakunata kallaripika hampishun nirka.
Kay Coordinación Zonal 9 kamachik, Astrazeneca y Sinovac añawharkata churarka, ishkaykutin añawharkata churankapa Astrazeneca 56 punchamanta, 84 punchakama shuyana nirka, kutin Sinovac añawharkata churankapa 28 punchata shuyana nirka.
Chay 310 runakunaman añawharkata churankapa, kimsa tantari hampikkunata churarka, paykunaka: hampikta yanapak, kari warmi añawharkata churakkuna, shutikunata killkak, kuyuchik hampik, uchillasuyupi tukuyta rikuk runakunata chaskirka.
Tayta, Segundo Castro, Mamallakta Tantanakuypak wasipi llankan, añawharkata churachishka kipa, Guadalupe Llori, Mamallakta Tantanakuyta pushakta yupaycharka, shinaka paypak llankayta rurankapa mana unkuymanta manchani nirka; shinapash ukllarishpa katina kani nirka.
Mama Marcia Larrea awllik, payka Financiera ukupimi llankan, asha asma unkuyta charishkamanta, kay añawharkata churayka may mutsurikmi kan nirka, kipaman kamaywasiman shamush nirka. Shunami Mamallakta Tantanakuypi llankakkunata, awllikkunata ama unkuchun kamanchik nirka.
SV/pv/jc-kichwa
