Kamachiykunata arinishpa, llaktakuna rimanakuyta charishpa, tukuylla kamaywasikuna llaktayta pushashpa katinka.
Cahyamanta llaktayukkuna chaypi kaywan, kamachiykuna kamaykushpa Comisión de Educación tantari 2022 watakama alli yachayman, kawsaytarpuy llankaykunaman runakuna yaykurichun ñanta mirachinka.
Kallaripi llankaykunaka Educación Superior Kamachiyta, Educación Cultural kamachiyta, Creación de la Universidad Amawtay Wasi kamachiyta arininka, chayka sapi yachayta, kawsaypura yachayta, sapsi yachayta paktanka, nirka.
Kay Educación Intercultural kamachiyta allichinamantaka Corte Constitucional imapuncha kayanamanta minkashka punchanta chapanka, chay kamaywasi Mamakamachiywan takarin nishpa allichichun mañarka.
Mamallaktapak llankaykunata katinamantaka, kay Creación de la Circunscripción Territorial Amazónica kamachiy paktakushkata rikunata charin, ruku yachachikkunaman kullkita kunamanta rimashpaka, paykunaman kullkita kunka nirka, shuktak iñukunatapash rimarka.
Shinallatak, Código Ingenios kamachiy imashina llankashkakta rikuna nirka, chay kamachiywan rikushpa kullkiwan yanapanata rikuna kan, chay kamachiypika mushuk llankaykunata wiñachina, wakcha runakuna churashka kullkita mana kunka nirka.
Kay tantarita kipapushak, Rocío Guanoluisa, Orgánica de Cultura kamachiyta ashtawan allita killkachun, uchilla kamachiyta killkana nirka, tukuylla rurakkunata, shukpalla rurakkunata uyashpa shuk willayta killkna nirka, chayka kawsaytarpuy llankaykunawan kimirinata charin nirka.
Uchilla tantaripika Ramiro Frías, Darwin Pereira, Rocío Guanoluisa kamachiy killkakkuna yaykurishkami kan, paykunami Agenda Parlamentaria 2021 watamanta, 2022 watakama llankaypi kawsaytarpuyta mirachik, sinchiyachik kamachiykunata arinina, chaymi llaktakunapi kullki mirarichun yanapanka nirka.
PV/jc-kichwa
