Kunan puncha, Consejo Nacional de Gobiernos Parroquiales Rurales del Ecuador 20 pushakkuna Mamallakta Tantakuyman shamurka.
Chaypi Guadalupe Llori Abarca, Mamallakta Tantanakuyta pushak, shulka pushakkunata chaskirka.
Chaymanta, paykunaka Amazónica kamachiy, Fronteriza kamachiy, Código de Planificación y Finanzas Públicas kamchiy paktachun mañarka.
Kay GAD Parroquiales kamaywasiman kullkita, hatun kamachikkuna urayachikushkata willarka, chaymanta Ministerio de Finanzas kamachikwan mutsuykunata rikuchinkapa ñanta paskachun mañarka, chaypi ñukanchikpak mutsuyta rikuchishun nirka.
Katipika, Conagopare, Yilda Rivera Cavagnaro rimayta charirka, payka Mamallaktapak 821 paklla shulkapak shutipi rimarka, 60% patsakri kullkita pitishka nirka, Los Ríos markamanta shulka shina llaki rikurishkata willarka.
Paymanta, Lorena Brito, Conagopare Pichincha kipapushak rimarka, payka pakllamanta GAD shulkakunapak kullkita pitikpi pakllamanta murukunata surkunkapa ñankunata allichinata, paskanata mana ushanchik, murukuna chaypi sakirin, tarpukkuna chinkan nirka.
Shinallatak, Especial Amazónica kamachiy rimashkata paktachichun mañarka, chay kamachiyta paktachikpi Antisuyu llaktakunapi unipak wiñari llankaykunata rurana kachun kullkita churanka nirka, chaymi Antisuyupi kullkikuna tiyarinka nirka.
Shulka pushakkuna rimakta uyashpa, Guadalupe Llori, Mamallakta Tantanakuyta pushak, kay mañaykunata katinkapa arinirka, ashtawan llankaykunata rurankapa kamachiykunata allichina, shina chay karun llaktakunaman paktakay chayanka nirka.
RSA/pv/jc-kichwa
