Mamallakta Tantanakuyta pushak, Kamachik, Guadalupe Llori, Radio Sucesos ankipi rimashpa, 40 punchata llankashpa, Mamallakta Tantanakuyta allichirkanchik, katikillata killkashpa, arinishpa churarkanchik, minkashkakunata akllarkanchik nirka.
Chaypi kamachiy killkakkuna yuyayta churarka, llaktakuna ytuyayyta churka nishpa willarka.
Mamallkata Tantanakuyka, pichka tiksi llankaykunata Mamallaktaman rikuchirka, chayka: yachay, allikawsay, kawsaytarpuy, llaktayukkunata kamay hawa yanapanka.
Shinallatak, runakuna llakirishkata rikuy, Minga por la Economía, kapukyay wiñari, llankayta kamay, runamanta, ayllumanta hayñita, kari warmi pakta llankanamanta, shuwata harkanata minkata rurashpa llankanata churarka.
Kunankama 400 mushuk kamachiykunaman llukshishka, chaytami minkashkunapak makipa churarka, chay kamachiykunaka kallari atinakuyta, shuktakkunaka ishkaykutin atinakuyta rurana sirin, chay llankaykunatami Katikillapi churashka kan nirka.
Llankaykunata katinamantaka, Mamallakta Tantanakuyta pushak, Guadalupe Llori, huchata charikuna wanachinkapa, ima punchapi chayamushkata katishpa huchachinka, shinapash paykunata sumaychani kanka nirka. Kallaripika yalik Energía y Recursos Naturales no renovables, René Ortiz Durán hatun kamachikta; kipamanka Pablo Celi kamachikta wanachina kanka nirka.
Mamallakta Tantanakuypi tikramushpa llankanamanta, awllikkuna, kamachikkuna asha asha shamushpa llankanka nirka, shinami Guadalupe Llori kamachik rimarka, kay Función Legislativa en el Plan de Vacunación del Ministerio de Salud añawllawtuta harkanamanta, 50 watata charik awllikkunata, kamachikkunata hampirkachik nirka. Shinami tukuy awllikuna hampirinkama katishun rimarka.
Mamallakta Pushakwan llankaytaka, Guadalupe Llori, “Pachakutik llaktay tanarika, hatun kamachikwan llankaypi mana tukuypi yuyaywan yuyayta charinchik nirka, shinapash Mamallakta pushak, wakin rimanakuyman kayashka nirka, imashinami antawa pushakkunawan rimanakuyman kayarka, Antisuyu llaktata yanapankapa karka, nishpa willarka.
Mamallakta Pushak, chay Orellana marka, Ecuador llaktapak punkara kapak llakta kakpi kayarka. Chay llaktaman mutsuykunata, llankaykunata, hampina wasita shayachina, chirli yakuta, hatun yachanawasita wiñachina hawa kullkiwan yanapanta rimarka nishpa riksichirka.
Tukuy kamachiy killkakkunami Mamallakta Yanapankapa llankanata munchik nirka, chaymantami Ecuador ashalla llaktapi sakirik tiyakkunata, alli llankaykunapi churana, chaymi kamachiy killkakkunaka tankashun, chaykunata paktachinaka Mamallakta Tantanakuypak ukupi kamachiy killkakkuna shuklla yuyayta charina kanchik nirka.
EG/pv/jc-kichwa
