Mamallakta Tantanakuyta pushak, Guadalupe Llori Abarca, kay Apoyo Humanitario kamachiy allichirichun yanaparka.
Kay runakunata llakichik kamachiyka Mario Ruiz, Dina Farinango, Rafael Lucero kamachiy killkakkuna churashkami kan, rimarka.
Chaymanta, paykunaka Pachakutik llaktay tantarimanta shamukkunami karka.
Kay kamachiyta allishpa runakunata, llaktakunata, ayllullaktakunata, llankakkunata, wasimamakunata llakichik kakpi kishpiyrichun yanapanka, kay kamachiyta allichinami Pachakutik llaktay tantaripak katikilla kan.
Tayta, Mario Ruiz kamachiy killkak, kay mushukyachina kamachiyka runakuna, llaktakuna, ayllullaktakuna, llankakkuna, wasimamakuna hamishka kamachiymi karka. Kay kamachiyka hatun mintakkunata, tarpukkunata, llankakwasi charikkunata yanapashka. Uchilla, paktalla katunakuna, rantinakuna wichkartishka. Kay kamachiy yanapak kamachiy kashkamanta Ecuador llaktapi kawsak wakcha runakunatami yanapanata cahrin.
Kay kamachiyka mayhan hatun unkuywan shuk ayllu wañushka kakpika, paypak ishkaypata yawar ayllu wañushka kapi 50% patsakri kullkita urayachina kachun nirka. Chay llakita charik, wakcha ayllukunaman Ministerio de Educación kamaywasi kullkiwan yanapachun mañarka, chay runakuman karumanta ruikushpa yachayta, zirma llikata chayachinata mañarka
Mañachishka wasipi kawsak runakunata, ayllukuna kawsashpa kullkita mana kushkamanta, ashta shuyachun, shinallatak yakumanta, achikmanta kullkita mana kushka kashkamanta kipaman kuchun mañarka. Kay IESS kamaywasi, payman kimirishka runakuna allikawsayta kuchun, kamachiy kushka punchamanta 60 punchata shuyachun mañarka.
Paymanta, Dina Farinango, kay kamachiyta mushukyachishpa llankakkunata ña mana waktanka, mushuk llankaykunata achkata wiñachinka, chay wakcha runakuna paykuna hawaman llukshinapa, zalayaymanta anchurinka kullkiwan yanapayta, kullkita mañachinata mutsun nirka. Kay hatun atinakuyka Salón José Mejía Lequerica ukupi pusharirka, llakta tantarikunapash kaypi karka.
RSA/pv/jc-kichwa
