Ecuador Mamallakta Tantanakuypak shutipi, Mariano Curicama kamachi killkak kay "Transformando la comida; sistemas de salud, equidad y sostenibilidad" rimanakuyman chayarka, kay rimanakuytaka Naciones Unidas shinallatak Unión Interparlamentaria tantanakuymi kayachirka
Kay Unión Interparlamentaria Tantanakuypak killkakamayuk Martin Chungong runa, tukuykuna pakta alli mikunata charinami ancha mutsurin nirkami. Kay mikuna rimanakuypika kamachi killkakunami paykunapak yuyaywan chikanyay ushan, kamachita alli rurashpami tukuykunaman mikunata punchanta chayachishun, kayshinami Desarrollo Sostenible paktayman chayashun. yuyaykunaka tiyakun, nirka.
Mariano Curicama kamachi killkak rimashpaka tarpushpa llankaymi wakchakayta ashayachiy ushanka nirkami. Llakta pushakkunaka wakcha ayllukunataka mana rikunkunachu, ancha mancharinami chuskumanta shuk wawa achka irki wañunalla kakpika, ashtawankarin Ecuador runa llaktakunapimi kay llakikuna achka tiyan, nirkami.
Kamachi killkak shinaka kay llakta wakcha runakunata yanapanapakmi llankasha nirkami. Kayshina yuyaywan llankayka llakta kunan pacha kawsaypak shamuk pacha kawsaypak yanapak kamachiytami mushukyachishpa llankashun, nirkami..
Kay rimanakuypika sinchita wiñarinamanta, chirikunuy shuktakyakuymanta shinallatak mikunapak wallpaymanta, wakchakunata ashayachinamanta, irkikaymanta, mikuna charinamanta, alli tarpuy paktanamanta, llaktakuna mutsukpi mikunata chayachinamanta imallata paktanapak churashka yuyaykunata shinallatak shuktami rimanakurkakuna.
SV/pv/cg-k
Ashtawan Shuyukuna: