Mamallakta Tantakuyta pushak, Guadalupe Llori Abarca, kay Procurador General, Íñigo Salvador kamachikpak makimanta, Mushuk Repetición Hatun Kamachiyta chaskirka.
Chay kamachiyka Mamallakta shupaychashkamanta chay Tribunales Nacionales e Internacionales kamaywasikunaman kushka kullkita tikrachimunkapa yanapanka.
Kay kamachiyka kay paktana yuyayta tawka kamachiykunapi hicharishka kakta tantachina yuyaytami charin nishpa willarka.
Shinami Mamallakta charimushkata kamachikkuna kamanka, kunanpika chay Francia llaktamanta Perenco kullkiwasiman kushkatami tikrachimuchun mañarka.
Kay Íñigo Salvador kamachik, kay kamachiyta utkashpa killkana, allichina, arinimi maymutsuruik kan nirka, chay kamachiywan Ecuador Mamallaktapak kullkita hapishpa mana tikrachimunshka apamunkapa achkata yanapanka nishpa kaparirka. Chaymanta Mamallakta Tantanakuypak ukupi minkashkakuna ñapash allichichun nirka.
Paymanta, Guadalupe Llori Abarca, Mamallakta Tantakuyta pushak, chay Casa de la Democracia kamachikta allishamuyta kushpa, kunanka Mamallakta Tantakuy runakuna chayamuchun punku paskashkata charin nirka, shina paykunapak hayñita paktachina nirka. Shinami Mamallakta munashka mañaykunata paktachinka nirka.
Tukuykunami Mamallakta Tantakuy kay kamachiyta arinina ñanpi kan nirka, shina Ecuador llakta shuk alli kamachiyta charichun nishpa maymutsurik kan nishpa riksichirka, ñaka rimashka kullki Ecuador llaktamanta 17 hunu runakunapakmi kan nirka.
EG/pv/jc-kichwa
