Mamallakta Tantanakuyta pushak kay awkarik punchami Llakta pushak, Guillermo Lasso runa kay Ley de Seguridad Social, Ley de Seguridad Social de las Fuerzas Armadas shinallatak Ley de Seguridad Social de la Policía Nacional kamachiy mushukyachinapak killkata allichinaman kachashkata rimanakunkakuna; shinallatak, Llankak ayllukunapak kikin hayñita, tantanakushkapak hayñitapash mitsarinapak tawka kamachiykuna mushukyachinapak shuk niki rimanakuyta katinkakuna.
Mamallakta Tantanakuyta pushak, Guadalupe Llori Abarca, 714 niki rimanakuyman tukuy kamachi killkakkunata kay awkarik 6 puncha sitwa killa, 10h00 tutamantapakmi kayachirka.
Allichinaman kachashka
Mamallakta Tantanakuyka Derecho de los Trabajadores y la Seguridad Social minkarishka rikunapaklla rurashka llankaywillaytami riksinka, kay minkarishkataka Rina Campain kamachi killkakmi pushakun, Mamallakta pushakmi Ley de Seguridad Social, Ley de Seguridad Social de Las Fuerzas Armadas shinallatak Ley de Seguridad Social de la Policía Nacional kamachikuna mushukyachinapak Ley Orgánica kamachiyta allichinaman kutin kacharka kay killkatami rimanakunka, kaypika llakta pushak allichinaman kachashkata Mamallakta Tantanakuy kallaripi churashka killkata sakichunmi mañan.
Shuktak yuyaykunapi, kay rurarina killkapika samanaman llukshik runakunami tukuy kawsaypi seguridad social policial y militar yanapayta hampirinapak hayñitaka awkakunapak, chapakkunapak hampina wasipi charinka. Shinami, hampirinapak hayñika kutin maypi llankakushkata rikunataka mana charinkachu. Shinallatak, kay Instituto de Seguridad Social de la Policía (ISSPOL) tantanakuyman kipayashka kullkikunata pakta tantachichun ushaytapash chayachin.
Hayñikunata sumaychana.
Shinallatak, Mamallakta Tantanakuyka Defensa y Garantía de los Derechos Individuales y Colectivos de los Trabajadores tawka kamachiykunata mushukyachinapak killkatami shuk niki rimanakuypi paktanka, kay kamachiyka llankakkuna pushakkunashina llankakuktami yanapanka.
Kay kamachiywanka llankak runakunatami kamaywan yanapanata mashakakun paykunaka pushakkunashina llankakushpapash, killa kullkita mana mirachishkata chaskinchu, hayñita charishpapish.
Kay mushuk kamachiypika llankana pachakuna ishkaypi rakishkami paktarina shina rikurin, samana pachakunata kllari chsuku pachakuna llankshka kipamantaka kimsa chunka tatkimanta ishkay pachakunakama samana ushankama, shukllapash kay ushan, Director Reginal de Trabajo runapak yuyaypika, llakta paktarimi kashka rikurikun, nin. Yanapash llankaykunapika, llankanapak churashka pachakunaka picha pachata mana yallinkachu.
EG/pv/cg-K
