Mamallakta Tantanakuyta pushak, Guadalupe Llori Abarca kayachishkawan, kay chaska puncha kamachi killkakkunaka llakta pushak kay Código Orgánico Integral Penal, para Prevenir y Combatir la Violencia Sexual Digital y Fortalecer la Lucha contra los Delitos Informáticos kamachiy mushukyachinata allichinaman kachashka killkata riksinkakuna , kay rimanakuyka Justicia y Estructura de Estado Minkarishka allichishka killkata katishpami paktarinka.
Kay 716 niki rimanakuyka chaska 9 puncha, sitwa killa 11H40 pachapakmi kayachishka kan. Kay rimanakuypika, kamachi killkakkunami Justicia Minkarishkapi allichishka killkata riksinkakuna, kay Minkarishkataka Alejandro Jaramillo pushakun, kay mutsurishka kamachiy mushukyachiywanka, llikapankapi llakichiykunata harkanapak shinallatak kari warmi wawakunata, wamrakunatapash ukllashpa llakikuna tiyakpika ñawinchishpa wanachinatami mashkakun.
Mamallakta Tantanakuyka Llakta pushak 14 niki killka, Ashalla pachapak killkashka, shinallatak Shuklla Mushukyachinapak Mañashka killkata rikushpa allichichun mañashkata riksirkakuna.
Minkarishka kamachi killkakkunaka llakta pushak allichinaman kachashka 1, 2, 5, 6, 9, 14, 17, 18, 19, 20 y 21; Disposiciones Transitorias y Disposición Reformatoria Única killka allichishkata hapichun mañan, kay kamachiy rurana killkata ashtawan achikyachishkamanta shinallatak kay kamachiy paktarinata allitak rikuchishkamantapash.
Kay 4 niki killkapi, mushuk wanachiykunata kimichishkamanta, shuk watamanta kimsa watakamami wichkashpa wanachinka, kayshina llakikuna rikurikpika, shuk warmi sawarishka kakpipash, kusawan kawsakukpillapash kullkita; ashayachishpa, mana rikuchishpa, harkachishpa, anchuchishpa nakashpaka llakta llankaypi chayanata harkakpipash, Minkarishka ayllukunaka kallaripi churashka killkata shinallatak sakinapak, allichinata hapinapakpash apushitayta mana paktarkakunachu.
Chaykamaka, 16 niki killkapi, ishkay niki llakichiykunapi 396 niki killka kay Código Orgánico Integral Penal kamachiypika, 1) niki killkawan shuk runa, imapipash kimirishpa, ima nata nikichik llikapipash willachipipash, shuktak ayllumanta llakichik shimiwan, wakllichiywanpash, sinchi rimashkawan, kaparishkawan, mapa rimaywanpash rikurikpika, chunka pichka punchamanta kimsa chunka punchakama wichkashpa wanachichunmi rikuchin, Minkarishka ayllukunaka Mamallakta Tantanakuy rimaripi arinichunmi mañankuna.
EG/pv/cg-k
