Primer Grito de la Independencia aknay punchapi, Mamallakta Tantanakuypak pushak Guadalupe Llori Abarca, kay kishpiykay unanchata Ecuador Mamallaktapi paktachinmi kay kallari wiñarimuypi waktanakuykuyta nirka. Ima rayku kay sinchi makaykunata runapa hayñipi shinapash tikuypak kishpikaypi llankaykuna apakuchik nirna.
Kunan yuyarinchik ñukanchik sinchi makakkunata, chay chunka puncha, Karway killa, waranka pusak patsak inskun watapi, hatun kishpiyri paktarka tukuy quiteños mashipura wankurishpa Manuelita Cañizares wasipi tantanakurka, maypimi rikurirka shuk hatun achik yuyaysapa, shuk pakna tuta ñukanchik unanchapi. Paykunami rirka shuk hatun shina shayarikunapi, makaykunapi, kaparikunapi tukuy América Latina, shinapash tukuy Abya Yala, shayarichun paykunapak kishpiykunapi. Kunan punchami kan paykunapak hatun unancha paktachishkata yuyarinapak kishpirik ñukanchik llaktakunapi nirka.
Ñukanchik ankupimi yallin kishpikaykunapak yawar yuyaypi churan, llankaykunawan paktalla sinchiyachishpa ñukanchik mamallakta markakunapi shinapash shuktak mamallaktakunapi katinapak. Sinchiyachishpa achik yuyayta, shinapash ñukanchik munayta ashtawan shukkunapak sumaychaykunapak katipashunchik. Chayrakmi sakirin shuktak mutsurikunamanta makashpa katina, warmikunaman, llaktakaykunaman, kawsaymarkakunaman ashtawan tukuykunaman nishpa, Guadalupe Llori rimarka.
Shinapash, Mamallakta Tantanakuypak pushak, manarak paypak rimayta tukuchishpa Manuelita Cañizares killkaypi ¿Imamanta manchanki? “mana tiyanchu nimamanta pachata wakllichinapak” nishpa yuyarirka, chaymanta tukuy kamachiy killkakkunata may achiklla llankaykunata wankurishpa kay makashpa wañuk mashikuna shina paktachina shukshinalla nishpa mañarka, minkarishpa tukuy tantanakuykunawan mana llankay tiyashkata allichishpa sakinapak, tukuypak tiyashkatapash paktachinapak, wakchakunapi shinallatak llakikunapi, wakin shuktak warmikunapak kawsayta llakichishpa yallikkunata, llankaypi kapakkamaypipash chay llakikunata manyaman sitashpa shuk hatun achik yuyayta churashpa rikuchina kanchik nirka.
Kay hatun tantanakuypi, Ricardo Reinoso, Mamallakta Tantanakuypi chapakkunata pushak, kunan yuyarinchik hatarikunata kay Quito kitipi, pay Primer Grito de la Independencia del Ecuador riksishka kaparikunata nirka. Ñami ishkay patsak chunka ishkay watakunata yuyarinchik sinchi shayari chayshina makaykunawan mishashpa wiñachishkamanta, nukanchik mamallakta kawsayta kaypi yuyarinchik kishpiyri tukuylla makichurashpa mamallaktata wichiman apanapak.
Kay hatun tantanakuyta paktachirka Juan Montalvo mamallakta tantanakuypak pampapi, maypika yallirkakunami Consejo de Administración Legislativa CAL minkarishkakuna, shinapash Comisiones Legislativas Permanentes tantanakuymanta pushakkuna, kipapushakkuna, Escolta Legislativa llankakkuna tukuy kayashka mashikunami minkarishpa yallirkakuna.
JLVN/pv/gu-k
Más fotografías:
