Fiscalización y Control Político minkarishka, tukuy iskun tantanakukkuna, alli panka mañaykunata rikushpa Juicio político ñawinchikunapak, Freddy Carrión, Tukuypak Ukllak runata katinapak pachapuriy llankaykunata kilkashpa arinirkakuna, chay rimaykunapi chayashpa paykunapak yuyayta katikkuna riksichinkami, Yesseña Guamaní shinapash Ricardo Vanegas, paykuna rikushpa tantanchishka panka minkashka yachay mañashkata rikunka tantanakuy mañak ukumanta.
Kay pachakama, pachapuriy, kay ishkay chunka kanchis, karwa killamanta kallarishpa shamuk kimsa puncha, kuski killapimi tukurinka, chaymanta yuyan ishkay chunka yalli pushakkunapak rimaykunata chaskinata, tukuylla ukupi llankakkuna, ñawpa llankakkuna, imatukuk chapakkuna, shuktak runakuna, paykunami alli paktachikuna tiyashka shinashpaka mana tiyarka Freddy Carrión ukllakpak llankay tiyashkata yanapanka shinapash rikuchinka.
Shinapash, pushakta chaymanta killkakamayuk runakunata, tantanakukkuna tukuylla llankaykunata achikyachichun arinirka, ima pachakunapi runakuna minkarishka tantanakuyman ukta yallichun, imamanta mana yallishpaka willachun, ima pachakunapi yallishkamanta rikushpa kipaman pachapuriy pankapi allichinapak.
Riksichikunata paktachinapak chayakkunamantami iskun paktasuyu llankak wasimanta chapak kunamantapash tiyan, Mamallakpak Ñawpa Kamaywasiyuk, José Gabriel Martínez; Juan Zapata, ECU 911 pushak; Mauro Falconí, Allikawsay Ñawpa Kamaywasiyuk, Edmundo Moncayo, Servicio Nacional de Atención Integral a Personas Adultas Privadas de la Libertad y Adolescentes Infractores (SNAI) ñawpa pushak, shinallatak, Henry Soria, Centro de Rehabilitación Social Masculino Pichincha 2 pushak, kay runakunami chimpapuraykunaman chayana kan.
Chay chimpapuraykunaman Zaida Rovira, kipa ukllak; Tania Castillo, Carchi Markamanta kimirik; Jaime Paredes tantalla Marcelo Dávila, Runapak Kamak ukupi llankakkuna chayankami.
Tantanakuyman Mamallakta Hatun Rikurayak pushak, Diana Salazar warmita mutsurishka, imashina Freddy Carrión runapak llaki kamachiy yallikushkata riksichichun.
Tukuymanta, kamachiy killkakkuna katik Ricardo Vanegas, tukuy malli tantachishkata arinirkakuna, chay tukuy instrucción fiscal rikuypi chayachin kamachik Freddy Carrión runata millay yumay llakichishka nishka huchachishkamanta; Dirección de Administración de Talento Humano tikrachishka hamushka pankata, Freddy Carrión, samari punchaman yallichun nishpa pankata churashka; shinallatak, Mamallakpak Kamaywasiyuk kutichin chapak runakuna mutsurishka willay paktachishkamanta maypika Runapak Ukllak llakikunapi yaykushkata riksinapak.
EG/pv/gu-k
