Mamallakta Tantanakuypi pachapuriy kamachiy “Ecuador mamallaktaman makichuray” llankayta charin, kashna tukuy sinchitakuk llaktallikunawan llankashka kan, shinami kay kamachikkunapak llankayta achikyachishpa katina, wankurishpa shinallatak tantarishpa, rimanakuypi tawkasamiyashkakunta, riksichirka kikinpa pushak, Guadalupe Llori.
Kamachiy Awlli pushayuk, Teleamazonas tapaykutichi pachapi, yuyarinakuy llankaypi, alliyanakunapi, shukllayashpa tukuy mamallaktapi pakchinata arinirka.
Guadalupe Llori, kimsa killa mañaymashkay Mamallakta Tantanakuypi achiklla llankayta paktachishkata chanirka. Ashtawan hunta rimanakuypi, purikuypi paktachishka chunka shuk kamachikkunata shinallatak ishkay istahillaykunata willarka; shinapash, Consejo de Administración Legislativa (CAL), kay pachakama ishkay chunka pichka mushuk yuyaykunata, chunka shukmanta rikuchin “Ecuador mamallaktaman makichuray” llankayta chanishkami.
Shinapash, pachapuriy kamachiy 2021-2022, tukuy llaktaypura tiyarikunawanmi rurashka kan, kay chunka kanchis hunu runakuna mutsurishkakunapi rikushpa yanapashun nirkami. Kay tantanakuypi pincha maymutsurik yuyay pachapuriykunata nirka: allikawsayman makichuray, yachay, llaktayuk kawsaykama shinapash mañaymashkay maklluykuna; kullkiyay makichuray, tarpuykunapi wiñachi, llankaymanta hayñikuna, llankay shinapash kawsaykamay; runahayñi, ayllu shinallatak paktalla kawsay, pachamama makichuray, llaktakunapak chayshina kawsaymarkakunapak sapsi hayñikuna; ashtawan, allishunku achikllay makichuraymanta, runata rikurayak, shuwa llakita uriyachinapak nirkami.
Paypak rimaypi nirka, kamachiy killkakkuna chunka sukta pusak ñawpak yuyay kamachiy shuk sapan pichka mushuk maymutsurikkunapi ñawpachishka ashtawan churashkata pawachirka.
Shukmanta, Mamallakta Llankayta Ñawpa Rikuk¸ Pablo Celi, kay Mamallakta Rimanakuy hunta tantanakuypi mana alli llankayta paktachishmanta chimpapuray apan, ima llakikuna wakllichishkapi rikushpa paktakay uchillakamachiy, mamakamachikkunapi katishkami kan nirka.
Rosa Cerda kamachiy killkakpi rimashpa, shamuk punchakunapi CAL minkarishkakunwan tantanakuypi ranti ranti chimpapurakunapi rimayta uyankami, chay kipaman mallikunata rurashkamanta rikunkami, sinchiyuyarita paktachinkami, kay llankay kamachik shinallatak uchilla kamachiy charishkapi nishpa willarka.
Shamuk puncha kamachiy ñawpak yuyayta Mamallakta Kamachik yallichinkami, Kamachiy Killkakwasi kay kamachiy Educación Superior shinallatak Tributaria mushukyachinamanta, pushak Guadalupe Llori, paktachishpami katinata kutichirka.
SV/pv/gu-k
Más fotografías:
