Guillermo Lasso Mendoza, Mamallakta Pushak, Guadalupe Llori Abarca, Mamallakta Tantanakuy pushakman kurka, Sumak Hatun Yachay ñawpak yuyaywan mushukyachinapak. Chay yuyaykunami rikuchin kimsa shinakaykunapi: kishpiykay shinapash kikinyaykunapi arininkapak, shuktak yachayta mirachinapak ashtawanpash paktalla chaskikunapi allichinapak, chaykunawan Ecuador llakta hunu wamrakuna yachayman yaykunapash katichun yanapanka, Mamallakta Pushak arinirka.
Kay tantanakuypi aynirka Mamallakta Tantanakuypak kipa pushakkuna, Virgilio Saquicela chashnallatak Bella Jiménez, rimaytakunata charik Consejo de Administración Legislativa (CAL), kamachiy killkakkuna, kamaywasiyukkuna, Senescyt pushak, Alejandro Ribadeneira, shukkunapash chayarkakuna.
Guillermo Lasso, kunan hunu wamrakunapak muskuy kan Sumak Hatun Yachana Wasi yachayman yaykunapak shuk kamachiy llakichishpa harkashkamanta, mana alli, tsikniyachin, ashallakunata yanapan, shina llakichikunata anchuchishpa uktallami ñukanchik yachayta tukuchik wamrakuna mamallakta rurayniyuk tukuchun nishpa rimarirka.
Ecuador Mamallaktapi ishkay waranka wamrakunami chawpiyachayta tukuchin nishpa yuyarin, chaymanta Sumak Hatun Yachana Wasipi waranka iskun chunka yachan. Mana allichu waranka patsak chunka chawpi yachayta tukuchikkukna Sumak Hatun Yachaypi mana yaykuchunka; kay llika mana kawsaypaklla, wamrakunallatachu llakichin shinapash mamallaktatami wakchillin, nirka.
Paymanta, Mamallakta Tantanakuy pushak, Guadalupe Llori, tukuykunapak hatun mutsurikunata allichinapak chakakunatami rurana kanchik. Chaymanta, ckay chikan chikan kawsay ashtawan tawkay yuyaykuna, shuktak yuyayta charikkuna, mushuk tantanakuy punkukunata paskarka” yuyarin.
Shinallatak, Sumak Hatun Yachana Wasi kamachiy allichikunamanta rikuchirka, kamachiy killkakkunata yachay makichuray hutkuna, paktachishpa kashna ñawpak yuyayta atirishpa, ukta shinapash kamachita sumaychay. “tukuylla wankurishpa ashtawan llankaypi chikanyachishpa patsak shinapash waranka waranka wamrakunaman Sumak Hatun Yachana Wasipi paypak muskushka yachayta akllashpa katichun maypika kawka watakunata shuyashka, paykunapak paktay yachayta sinchiyachun shinapash kullkiyayta allichinapak, uyachirka.
Guadalupe Llori, mañaymashkay mamallakta tantanakuy llankayta paktachikpimi Régimen Tributario Interno mushukyachishpa sakinchi ninmi, chay llakichikunapi rikurirkami mana hawalla paktachikuna tiyarkachu kay IVA tukuy markakamakkunaman, kitikamakkunaman, kitillikamakkunaman, Sumak Hatun Yachay shinapash sumak ruraywasikunaman kullkimashkanayachik mutsurikunapi chaskichun, pitapash llankaykunapi amalla llakichishpa ashtawan sumak yachana wasikunaman hayñikunata sumaychashpa yuyarirka.
Chaymanta Mamallakta Pushak kimsa ñawpak yuyay kamachiykunata kay Mamallakta Tantanakuypi arinishkata rimarichun mañan: wamrakunapak llankayta sinchiyachinapak, kutinllankay kullkiyachinapak Esmeraldas tantalla Manabí ashtawan Suman Hatun Yachana Amawtay Wasi, maypika llaktakunapak kawsaymarkakunapak muskuy paktachinapak.
Ñawpak yuyay mushuk yachina kay kamachiy Sumak Hatun Yachana Wasi uktallami rimaykunapi churashka kanka, Mamallaktapa shamuk pacha maymutsurikunapi rikushpa. Tukuy Kamachi killkakunapak yuyaykunawan arinirka, kay paktachitaka uktalla shinapash achiklla, wamrakuna chayshina Ecuador Mamallakta shuk mushuk kamachiy tukushpa Sumak Hatun Yachana Wasita Charinapak.
“Nunamunaywan, yuyarinakuy shinapash minkarinapi, mamallaktamanta muskushkapi munashkapi achikllami llankaypi paktachishun. Kay Musuk tantanakuy ishkay shimi hayñikunapi, iñikak ashtawan allikay, tukuy warmi wawakunapak, kari wawakunapak shinapash Ecuador wamrakunapak, kashna yachaymi llaktapak ñankunata munan wiñachinapak, shuk llaktamanta, kishpiyri”, Guadalupe Llori Abarca, tukuchirka.
JLVN/pv/gu-k
Más fotografías:
