Desarrollo Económico minkarishka tantanakuy, kamachiy killkak, Daniel Noboa Azin, ñawpak yuyay Pagos en Plazos Justos kamachiyta riksirka, kallari Mipymes. Kay mushuk yuyayta Wilma Andrade kamachiy killkakmi churashka, chikan runata chayshina kamachiy runatapash llankayta rurashpa paktachishkamanta tikrachina punchapi mana ukta yallichishka, chay killakuna tiyashkamanta runakunapak piñarikunata allichinapak paktay ruraykunawan katin.
Rimay pachapi, mushuk unkuy llakichishkamanta mipymes llakay wasi kullki wakllirikunapi yaykushka chayshina ñawpak yuyaykawan makichunapakmi kanchik, kamachiy killkak nirka, tukuymi llankana wasi punkuta wishkarka. Shinallatak, chay chikan chikan llankakwasikuna imashina katuypi paktashkata rikushpa tikrachinapak llankakunata akllankun nishpa rikuchirka. Ecuador mamallaktapi 99.5% llankakwasikuna mipymes kan nirka.
Llankay wiñachikunapi rikukpika, 60% mipymes llankaymi wankurishka shinallatak 40% hatun llankakwasipura tantarishkami kan nirka.
Mipymes llakikuna.
Tukuy llakikunamanta uchilla llankak wasikunakami kullkita mutsurikuna, llankakkunaman shinallatak katukkunaman mana ukta kutichi ushan, chaymanta yallinkuna hatun kullki yallichikkunaman mana shinashpaka shuktak mañachikunaman yallishpa yapalla llakipi yaykun nirka. Chaymanta, mana ukta kullki yallichikuna tiyakpi katurantikuna wakllirishpa katin nishpa rikuchirka.
Yanapaykuna
Hatun llankak wasikunamanta chayshina tukuypak llaktakuna mana ukta kullkita tikrachina punchapi yachichikpika, Ecuador llaktapak kullkikullka ukumanta panka killkashkapi katishpami wawa kullkikunawanmi yallichinka.
Uchilla llankawasi kullkita yallichinkapak charinkami ashtawan mana shuktak kullki mañayman yallinkachu. Shinapash, paykunapak llankakkunaman ashtawan katukkunamanpash kullkita yallichinkapak charinkami. Chaymanta, paypak shayarayay llankayta wiñachinapak chayshina mushukyachinapak paktallami katinka nirka.
Kay ñawpak yuyayta tantalla Cámara de la Pequeña Industria y la Asociación de Emprendedores del Ecuador llankaywasikunawan tantanakuypi riksichihskami kan.
Mikuna yakumanta llakikuna.
Shukmanta, Riobamba kiti mikuna yaku llakipi tiyakushkamanta minkarishka tantanakuypi riksishpa rimarka, chay iñuta John Vinueza, kamachiy killkak rimanakuypi churarka.
Rimaykunata paktachinapak Riobamba kiti pushak, kitikunakkunata, Empresa Pública de Agua Potable y Alcantarillado pushaktapash minkarishka tantanakuypi chaskirka.
SV/pv/gu-k
Más fotografías:
