Alli kawsay shinapash pukllay hayñi minkarishka tantanakuypi, Pukllay Kamaywasiyuk, Sebastián Palacios shinallatak Comité Olímpico Ecuatoriano pushak, Augusto Morán, kay hillay mutsurikuna, yachachikkuna shinapash pukllakkuna Juegos Olímpicos Tokio 2020 pukllaypi mana alli yanapaykuna tiyashkamanta rimaypi rimanapak, kutichinapakpash huchachishka chayamurka.
Minkarishka tantanakuypak pushak, Marcos Molina, kay tantanakuyka pukllaypi tukuy mana alli llankaykuna yallishkata rikushpa katinka nirka, mamallakta mana amachaykunata shinapash imamantachikunatapash chapashpa katinkapak tiyanchu nirka.
Paymanta, Sebastián Palacios, Pukllay Kamaywasiyuk, kimsa chunka warmikuna shinallatak chunka kanchis karikuna, kay chunka pichka pukllaypi shinapash chunka kanchis astikunapi tukuy pukllakkunamanmi yanapaykunata pakchishkata willarka, chaypika olímpica pankata paktachinapak kullki kamay wasimanta yallichirkami US$ 575.449, Comité Olímpico Ecuatoriano wasiman, pukllakunapak chikan chikan mutsurikunapi mañaymashkaykunapi makichuranapak nirka.
Riksichishka kipa COE, Federaciones Ecuatorianas tantanakushpa, pukllay kamay wasiyukman imakunapani kullkiwan yanapashpa yallichishta uktalla riksichinapak pachata charin nirka, manarak pukllaykuna yallikpi shuk tantanakuyta paktachirka shinapash, tuksina hampi, chusku chunka ishkay kayakuy shinapash chusku chunka kanchis visa pankakunata pukllakkunaman yanpashkata willan.
Kay Pukllay Kamay Wasimanta, kimsa patsak chusku chunka iskun llukshik pukllakkunaman, kimsa hunu patsak chusku chunka shuk dólares kullkita karwa killakama yallichishkami kan, Palacios willarka.
Paymanta, Comité Olímpico Ecuatoriano pushak, Augusto Morán, kullki mashnayachikkunata Pukllay Kamay Wasimanta US$542.241,24 dólares kullkiwanmi arinirka chaymanta US$ 328.632,08 dólares kullkita yanapashkanchik tukuy mustsuri pukllakkuna charishkapi ninmi.
Federación Ecuatoriana charishka uchilla wallpakuna mana hatun Centro de Alto Rendimiento yachana wasi pakta pakta kanchu, maypika tukuy yachachikkuna astikunapi yanapakkunallami tantanakushpa yallirkakuna nin.
Paymanta, kamachiy killkak, Patricia Mendoza, maypimi tukuy pukllayta paktachi wasi ashkata pachami wakllirishka, kullkipash mana tiyachun yachakukkunata sumak yachachita paktachichunka nishpa willarka.
Chaymanta, Centro de Alto Rendimiento de Río Verde, achkami wakllirishka shinallatak wasikuna sitashka mana kullki yallichi tiyashkamanta rimarka, maypika chay wasita mushuk yachinapak pukllaypi katikkuna muskuyta paktachichun.
Kutishukmanta, kamachiy killkak, Marcos Molina, kay mushuk katik minkarishka tantanakuyta wiñachishpa rikunapak, tukuy kullkikunata Pukllay Kamakwasiyuk paktachishkata chay yuyayta tantanakuypi churarka, uchilla minkarishka tantanakuypi Rafael Lucero, Ronal González shinapash Marcos Molina kamachik killkakkunami wankurinka. Chaymanta, Mamallakta Llankayta Rikuk katichun ñawpa chayshina kunan katik pushakkunata imakunapi kullkikunata yallichishkapi mañashpa rikuchun nirka.
GU/pv/gu-k
Más fotografías
