Kay Mamakamachiy mushukyachinapak minkarishka tantanakuy, Washington Paredes, ñawpa kamachi killkakta chaskirka, ñawpak yuyay Mamakamachita allichinapak kay Galápagos Marka mushuk pushakkunata akllanapak chay mutsuri yuyata churakmi kan.
Paredes runapak may allimi kan tukuy yuyaykunata Galápagos marka pushakkunaman llaktayukkunaman pakta pakta riksichishpa katichun, chashna riksichikunawan achiklla yuyaykunata llukchishpa ñawpak yuyaypi allichinapak, shukmantapash ima llaki mutsurikunata rikushpa utka allichikunata paktalla rurashpa katinapak, kashna ñawpak yuyayta pacha mamayakkunapi kayarurayman tikrachinapak, mana utka mushuk pushak akllay tiyashkamanta ashka wakllirikuna yallin kay chunka ishkay watakunapi mutsurinkuna katin nirka.
Paypak rimaypi, Paredes, kashna wankurishpa alli kawsay kamaykuna tiyanka, mashnalla llankay wiñay sinchiyachikunapi kullkita churashpa wiñariy tiyachun nirka, kashna tukuy llaktayukkunata pushakkunawan shuk makilla tukushpa wiñachishpa katinapak nirkakuna.
San Cristóbal Kiti pushak, Henry Cobos, ñawpa kamachi killkakwan yuyaykunapi paktanmi, kay markapi mushuk pushak akllana puncha chayakpi pankapi rikush akllashpa aspichun, chusku watakuna llankaykunata apachun mañankuna, maypika tukuypak yuyaykuna, rimaykunata llakta ushaykunapak tukuy hayñi ayninakuykuna Mamakamachiy killkaypi tiyashkata paktachishka tiyachun ninkuna.
Shinapash, Mariela Freire, tukuy tantanakuypak llaktamanta minkarishka, llanktakunaman tukuy kuski killapi llankayñan rikuchikunawan yallishpa, uyachishpa alli hamutachishpa sakichun mañankuna. Kay yuyaykunata mushuk yachikunapi kushkata churachun, ruray ushay shinapash mishanakuy ruray katichiy ashtawan umallikuy llankaykunapi tiyachun rimankuna, Galápagos marka llankaykunapi alli kullki wiñachikuna sumak kuskakamayta sinchiyachishpa yallichun mañankuna.
Tukuripi, Francisco Jiménez, minkarishka tantanakuy pushak, achiklla rikuchi yuyaykunata churashkamanta yupaycharka ashtawan Galápagos markaman yallishpa riksichishpa yallinapak arinirka, tukuy shamuk killapi yuyaykunata chaskishpa killkaypi paktachinapak, ashtawan may tiksichanimi kan ñawpak yuyayta tukuy llaktayukkunaman rurashpa sakinapak kan nirkakuna.
GU/pv/gu-k
