Tukuypak Hampina Wasikunapi llankakkuna, Frente Ciudadano tantanakuy shinapash Refinería de Esmeraldas ñawpa llankak tantanakuywan, llankay hayñi minkarishka tantanakuyman Apoyo Humanitario kamachikunapi rikushpa hampikkunaman, hampina wasipi llankakkunaman utka paktachichun shinapash Refinería de Esmeraldas ñawpa llankakkunaman manupitikunata shamuk kallari chimpuraykunapi kay ñawpak yuyay mushukyachinapak, Seguridad Social kamachikunapi shuyan allpawirapi llankashkakunaman mana chayachishkakunaman kay rimaykunawan paktachinata yuyankuna.
Rosa Crespo, Hampina Wasipi llankakkunapak Zonal 5 tantanakuymanta yanapak, kay minkarishka tantanakuy Hampina kamaywasita utka mana tiyashka hampikunata shinapash hampikkunapak churanakunata rantishpa tikrachichun mañankuna shinapash tukuy unkuywan shamukkunata alli rikushpa hampichichun nirkakuna.
Shinapash, Fausto Benalcázar, Ibarra Hampina Wasipi yanapak, kay llakikunata Mamallakta kamaywasikunata mashna mañakukpipash mana yanapaykuna tiyashkachu maypika achka hampik runakuna, llankak runakunapash llakikunata hampinkuna; 25 niki Apoyo Humanitario kamachita mana paktachikuna tiyashka, hampikkunata mana llankaypi churashkamanta maypika kuski killa 2018 watapi, Mamakamachiy Rikukwasi wanay churayta paktachishka kay pachakama mana churashkachu nirka.
Frente Ciudadano tantanakuymanta, Héctor Pérez, tuksirishka hampi pankata ama tukuy llankay wasikunapi ashtawan shukpaklla llankay wasikunapi mañashka rikurichun mañankuna. Kay minkarishka tantanakuyka tukuy runakunapak hayñikunata yanapanapakmi kan, riksichirkakuna.
Shinapash kamachi killkak Marcela Holguín, may allimi paktalla covid-19 llaki unkuymanta Tukuy Tuksiri Hampi Kamaywasi tukuypi hampishpa purikushkaman yallishpa hampirinaman kimirishpa tuksirina kanchik, mamallakta llankay wiñachikunapi kutin ama unkuykuna rikurichun kutinpash mañankuna.
Ashtawan Tukuy Hampina Kamaywasikunata hampik runakunapak, llankak runakunapak shinallatak hampirik runakunapak kawsaykunata Apoyo Humanitario kamachipi rikushpa yanapachun wanakurkakuna.
Paypak rimaymanta, Gil Estacio, Refinería de Esmeraldas Ñawpa Llankak tantankuymanta, 2003 watakunapi ñawpa llankakkunapak hampirishka pankakunamanta, alli taripaykunata katichun ashtawanpash tukuy llankay wata hayñikunapash paktashpa llukshishkamanta mañana kullkikunata tikrachichun mañankuna.
Tukuripi, kamachi killkak, Salvador Quishpe, Mamallakta kamay wasikunapi llankakkunata utka Refinería Esmeraldas ñawpa llankakkunapak mitsurikunata rikushpa paktachichun, shinapash Apoyo Humanitario kamachiy Tukuy Hampina Wasikunapi hampik runakunaman llankayta kuchun, tukuy unkuykunawan pandemia pachakunapi chayakkunata rikushpa hampishpa yanapashkakunaman utka paktachichun nirkakuna.
GU/pv/gu-k
