Justicia y Estructura del Estado minkarishka tantanakuy Mamallakta Llankayta Rikuk kamachiy ñawpak yuyayta mushukyachinapak yachayta sinchiyachinkuna, kulli imarurashkata rikuriyak minkashka mana allichi ushashkamanta rikun llankaykunapi chushak sakirishkata pakta churashpa sakichun rikushpa katinkuna.
Kay pacha Xavier Encalada, kamachi rimayta minkarishka kamachiy killkakkuna uyarkakuna, maypika ishkay ñawpak yuyaykuna rikurka, kay Ángel Maita shinapash Francisco Jiménez kamachiy killkakkunapak makimanta chayachishkata, chay yallichishka pankakunaka llakikunata allichinapakmi shinapash chushak kamachik charishkata shinapash Mamallakta Llankayta Rikuk mañaymashkayta patachishkata allichinapakmi kan nirkakuna.
Shukmanta, kamachiy allichikunata ushashpaka achikllami sakirina nirkakuna, paktachikunata kipaman ima llakikunapash ama wakllirishka shamuchun, kamachiy kamay shinapash paykunapak mishanakuykunapi llankay paktachikunapi, shuktak llankaypak yaykukkunapak, kamachiy kawsaykamaykunata llakichinkuna. Shinapash, shuk punchakunata churarkakuna kay kullki imarurashkata rikuriyak runa llankaytamanta manyaman sakirishkamanta. Chay shinakunapi Carlos Polit runata churarka, willaykanchakunapak taripaykunata rurashpa katikpika paypak llankayta 89 punchakunallatami llankarka, chay kipaman shuktak mamallaktakunaman yallishpa shuktak taripaykunata rurashpa purirkakuna nirka. Kashna mana alli paktachikunamanta allimi kimsa killamanta manyaman churashpa shuktak maskayman chay llankayta apachun yuyankuna.
Ashtawanpash, tukuy Mamallakta Llankayta Rikuk kamachita mushukyachichun sakinapak, 2002 watankunamanta kay pachakama chay pankallapi katishpa shamunkuna, manarak mushuk mamakamachik musukyachishkapi chay kamachita rurashka kashka.
Kay chunka iskun watakunata kay pankakunawan shuktak yankiykunata rurashpa shamushka, maypika kawsaykamay kamachikunata llakichishpa shamushkakuna, mamallakta kallari tukuypak ima mutsurikunapi rikushpa yanapashkakuna, yuyarirkakuna.
Kay Mamallakta Llankayta Rikuk alli kamachiy paktachikuna shinami kana kan, tukuylla pakta wankuri llankay shinami paktana, tukuy watakunapi llankayta rurashpa shamushkamanta sinchita pachami allipi churashpa katina, kamachikuna kawsay mutsurikunapi yanapashpa shinapash Mamakamachikpi katishpa mushukyachishpa llankayta tikrachinapak, tukuchirka.
PV/gu-k
