Garantías Constitucionales minkarishka tantanakuy, runahayñi, sapsi hayñikuna shinapash shukllakawsaypura mushuk rikuykunata ashtawan rikuchikunata ESQUEL tantanakuymanta Ministerio de Inclusión Económica y Social paktalla Wamrakunapak kamachiy rimaymanta ñawpak yuyayta chaskirkakuna.
Juan Diego Torres, Ministerio de Inclusión Económica y Social kamay wasipi llankak, kay kamachiy tukuyta paktalla yanapachun mañan, wamrakunapak paktalla kawsaypi tiyachun. Llaktakuna achiklla ushaykuna tiyachun tukuy kamay wasikunamawan tantarishpalla llankayta ushanapak yuyankuna.
Sharon Moya, Juan Martín Morales shinapash Esteban Ortiz, ESQUEL minkarishka runakunapak, may allimi kay kamachiy tiksiyuyaykunapi tinkishka rikurinami kay paypura, paktalla kawsay, alli kawsay shinapash miraykunapi shukshinalla rurayta paktachinapak sakirichun. Llankaykunapash wamrakunaman manuchi sumakkay paktachinapak tiyashka yallichun rimankuna.
“Shuk munayyachay yanka allikay ashtawan chaypikay, kamachik wiñachikunapi rikushka paktachishka kachun, pandemia unkuy killakunapi wamrakunapak kawsaypi ashka wañuykuna tiyarka mutsurikunamanta”, Paúl Prado riksichirka.
Jhonny Tapia, Azuay markamanta Kamachiy killkakpak, kamachik wamrakunapak yuyaykunapi kari warmi millay llakikunata manyaman churanapak achiklla yuyaywanmi wiñachishpa katina. Mateo Flores kamachiy killkakpak yuyaypi, chikan chikan kamay wasikunamanta pushakkunamanta kayanami, shuktak wamrakuna shamushpa paykunapak yuyayta chayshina mutsurikuna charishkata riksichichun.
Tukuripi, Juan Diego Torres, wamrakunata ashtawan pushakkunata minkarishka tantanakuyman llaktayuk chaypikaykunata kayankuna, maypika shuktak rimaykunata chaskishpa wamrakunapak tantalla ayninakuy mushuk kamachiy ruraypi paktachishka tiyachun.
KC/pv/gu-k
