Obras Públicas Kamaywasiyuk, Marcelo Cabrera, Guaranda Kitipi llaktayukkuna taktina chakakunatamanta kay Gobiernos Autónomos Descentralizados Minkarishka tantanakuypi rikushpa paktachinapak llankakushkata willarka.
Llankaywan kallarinapak 5 puncha kamay killa 2019 watapi Tukuypak Llankakwasi República Popular China CRCC 14TH BUREAU GROUP ECUADOR CO. LTD pankakunata aspirkakuna, chay llankaypak IVA kullkimanta anchichishpa $ 42.485.362,48 kullkiwanmi rurana, kimsa chunka killakunapi tukuchina karka, ishkay chunka pichka puncha kuski killa 2020 watapi $ 8.199.674,96 kullkita llankaypak tikrachirka.
Marcelo Cabrera kimsa iñukunami llankaykunata paktachichun harkashpa llakichinkuna: allpa kichuykunapi, allpakipuy wasi charishkakunamanta mana pankakunata kutichishka, mashnapak chanikunata churashkata 2003 watakunamanta Guaranda Kiti Ukupi Kamaywasi mana mushukyachishkakunamanta rimarkakuna.
Wasikamayuk shamuk kallari sisa killakunapi kutin 13,29 warankatupukunata chaka ruraywan kallarinka, 1.100.000,00 llaktayukkunami allirurayta chaskin. Shinapash, kamay wasimanta tawka watakunata llaktayukkuna shuyashpa kawsashkakuna kay llankayta tukuchishpami sakishun nirkakuna.
Shuk iñupi, Cabrera “Chillanes” Chawpi Yachana Wasita mushukyachinapak, mana llankayta tukuchishpa sakishkamanta allichinapak Yachay Wasikamayuk kullkita churachun mañashkata nirkakuna.
Paymanta, José Chimbo, kamachiy killkak, ima mutsurikunapi makichuranapak kiti shinapash marka pushakkunawan llankaykunata pakchichun Kamaywasiyukta mañarkakuna.
Kutishuk nikipi, Marlon Cadena, kamachiy killkak covid-19 unkuykuna llakichishkamanta Mamallaktapak tukuy Kiti Ukupi Kamaywasikuna mana utka PDyOT shinapash PUGS mushukyachikkunata ushashkakuna, chaymanta utka kamachiy killkayta rikushpa mushukyachinapak mañankuna.
GU/pv/gu-k
