Mamallakta Tantanakuy Hunta rimankuypi, kanchis chunka apunchi arinishkakunawan, Freddy Carrión Runapak Kamakta llaktaywanachiy shinapash llankaymanta llukchirkakuna, mana alli paypak llankayta Mamakamachikpi katishpa paktachishkamanta. Shinapash, Kamachiy killkakkuna Mamallakta Hatun Rikurayak kamay wasiman shinallatak Mamallakta Llankayta Rikuk kamay wasimanpash allichishka pankakunata tikrachichun mañankuna, kamay wasikunapak mishanakuypi taripaykunata shinapash kati rikuykunata rurashpa katichun mañankuna.
Kay 47 mananchak chanikuna ashtawan 14 pimanpash mana sitarka kay sinchiyuyari shutikipu killkaypi sakirirka, willayta chayachichun kallarinkakuna maypika Freddy Carrión Intriago Runapak Kamakta llaktaywanachiy shinapash llankaymanta llukchishkamanta Lllankay Kamaywasi shutikipuyta rurachun, chay llakimanta Función Legislativa Kamachik yuyayrikuchikpi katishpa Tukuy Kamay Wasikunapi ishkay watakunata ama llankay ushachun.
Shinapash, Mamallakta Tantanakuy Hunta rimanakuyta Mauro Falconí García, Hampi Kamaywasi ñawpa pushaktapash llankaykatiy ashtawanpash umachik rikurayakta paktalla takichun; chayshina, alli kashpaka, ñawinchikunawan kallarichun mañankuna
Chimpapuray
Chunka kimsa Kamachiy Killkakkuna chimpapuraypi ayninakurka. Yeseña Guamaní, Kallari rimanakuywan katirka, maypika llaktaywanachiy shinapash llankaymanta llukchichun yuyayta churarka, shuk kutin ima rikuchikunata paktachishka hawa. “kay tuta mamallaktaman shuk hatun rimayta llakichikuna yallishkata chayachina kanchik, Runapak Kamakta llaktaywanachiy shinapash llankaymanta llukchishpa sakinapak” rimarkakuna.
Utkalla, Fernando Villavicencio rimarirka, Llankaykatiy Minkarishkapak llankayta mitsarka. Ñawinchikunaka llakipi yaykushka karka nirka, Carrión runapak kamachikkuna kamay hayñiwan ukllachun mañashkamanta, shinapash shuktak kamachik yanapaykunawan kay Mamallakta Tanatanakuy alli pacha llankayta paktachishka kachun rimarkakuna.
Nathalie Viteri Runapak Kamakpak, yuyaykunata llakichinkapak alli kashka shinapash “shuk llakichik mana Runapak Kamak wasita apak tiyachun”
Tukuymanta, Edgar Quezada, llankayta mana alli paktachishka nishpa huchachinapak illanmi ima tiyashkata rikuchichun nirkakuna, wayru 2019 watapi tukuy runakuna makay llakikunapi yaykushkata achkata pacha yanapashkamanta kunanka mana alli rurashka nishpa rimankuna. Jhajaira Urresta shinapash Viviana Veloz Kamachiy killkakkuna chay yuyaykunatapash hapishpa rimarkakuna.
Kamachiy killkakkuna, Ana Belén Cordero ashtawan Soledad Diab, Llankaykatiy Tantanakuyman Minkarishka, washaman kutichishka yuyaykunata hapishpa rimarkakuna kay Runapak Kamakpak, ima makaykunata llakichishkakuna tiyakpipash, paypak llankaymanta mana kashna hatun llakikunaman mana chayaykunachu karka nishpa rimankuna.
Alejandro Jaramillo rimaypi, mana rikuchi ushankuna ima pankakunapitak willan kashna paypak mashi Mauro Falconí runawan upyayman yallichun; warmi llakichimantapash. “Kaymi ñawinchikuna kan kay pacha llankayta ruranchik mana paktalla llankayta paktachishkamanta”. Shinapash, Johanna Moreira paypak wankurishka tantanakuymanta, chay makaykunapi warmikunapak hayñikunata llakichishkatachu harkankichik. Nirkakuna.
Paypak manyamanta, Salvador Quishpe Kay Mamallakta Tantanakuypi kanchik nirkakuna, mana chimpapuraymanta, mana llaktaywanachiy shinapash llankaymanta llukchinapak, ashtawan Mamallaktapi llaktayukkunapak makay shinapash muskuymanta, yaku kamaymanta, kawsay kamaymantapash. “kay ñawinchikunaka llankaywillay Illu Minkarishkapakmi shinapash wayru killa makaymanta”, rimarkakuna.
Diego Ordóñez mana allichu kay llakikuna llankaywillay wayru killa makaymanta yuyarishpa kay ñawinchikunata paktachishpa katikushkamanta. “Mana ima llakichikunata rurashkamanta shinallatak kutichikuna rikurinachu, ashtawan mamallaktamanta achka llakichikunata katishkamanta tukuy yachankuna, shukpimi Runapak Kamak warmita makashpa llakichishkamanta”, riksichirkakuna.
726 niki Hunta rimanakuy chunka chusku pachakunata yallirka, ishkantimanta imakuna yallishkata Mamallakta Tantanakuypi tukuy riksichishkata sumaycharkakuna.
EG/pv/gu-k
