Tukuy tantanakuyta asha asha llankay willay kallari chimpapuraypak, ñawpak yuyay Chukimakay Kamachik mushukyachinapak, Tawkasami Kawsay shinapash Pachamama Minkarishka tantanakuy, Imbabura Markamanta tukuy llakta pushakkunapak chayshina kamaywasi pushakkunapak rimaykunata chaskirkakuna.
Tyrone Vega, San Miguel Urcuquí Kiti pushak, Chukikamay manapaktay llankaykunapi rikushpa achkata pacha llakichirkakuna, kay ishkay awkyk kitillikuna: Mercedes Buenos Aires chayshina Cahuasquí yalli llakipi kawsankuna nirka.
Kawsaypacha Kamaywasiyuk llankay Zonal 1 minkarishka, Wilson Villarreal, kay tukuy kamaywasikuna, paykunapak mishanakuy ruraypi, tukuy yaku llukshik urkukunata rikushpa shuktak llakatakunapi kamanapak willashpa shamunchik, hatun wakllichi chukikamay llankaykunata manyaman churana rayku llankashpa katichushta rimarkakuna. Chaymanta, achka llaki llankaykunata wakllichishpa chay llaktakunapi rurashkamanta llankayñanpi ishkantimanta ñawi ñawi allichinapak llankayta apakushkamanta rimarkakuna.
Paymanta, Bonarences Unidos Protegiendo el Ecosistema minkarishka, Oswaldo Fraga, chikan chikan yuyayakunata chayachirka: runapa hayñi Pachamama hayñikunata sumaychachun, shuk patsak punchapi manarak yallishpa, chukikamayta tukyachinapak arinishpa yallichishkata llankaykatiykuna paktachichun, ashtawan Mamakachik pankapi rikushpa paktachishkata katichun, maypika ayllullakta, kawsay marka runakunapak llaktaman yallishpa chukikamaykunata tukyachinapak riksichishpa, willashpa, tapushpa, kutichishpa ashtawan tukuykunawan tantanakuyta paktachishkachu nishpa chaykunamanta rikuchun mañankuna.
Kipaman, COVICA Cahuasquí minkashka, Stalin Ramírez, Sold Gold llankay wasi, chay chukikamay tukyachik kitillipi achkata llakichirkakuna nirka, runahayñi Pachamama hayñikunata llakichirkakuna. Chay risichikunawan, tukuy urku chakrakamayukkunaman shuk pakta umachikkunata yallichichun mañankuna.
Mario Ruiz, Imbabura Markamanta Kamachiy Killkak, kay minkarishka tantanakuymanta chukikamay tukyachishpa llankaykunata ama yapa katichun chaypi pitishpa sakinapak, yaku wachari urkumanta, kiti shinapash llakta ukumanta, sacha urkukunata wakllichi, tukuykunata rikushpa ashtawan kamashpa katinapak rimarkakuna.
Tukuchipi, Washington Varela, Minkarishka tantanakuy pushak, tukuy kashna yuyaykunata uyashpa, chaskishpa mushuk Chukikamay kamachikta paktalla mushukyachinapak willarka, kay llankayka chukikamay llankaykunapak, mamallaktapi pachamama tiyashkapi rikushpa ama llakichikunata katichun shamuk pachakunapak alli kawsay tiyachun llankakushkata rimankuna.
GU/eg/gu-k
