Ñawpak yuyay Chukikamay Kamachik shinallatak Antisuyu Sayway Allpa ayllullaktamanta mushukyachishpa paktachinapak llankakuna, chikan chikan tantanakuykunamanta yuyaykunata uyarkakuna. Kay pacha Macas kitimanta, Morona Santiago Markapi, kawsaymanta pacha, Tawkasami Kawsay Pachamama Minkarishka tantanakuymanta llaktakunamanta, Kawsa marka runakunamanta tukuy mutsurikunata chaskirkakuna.
Morona Santiago Marka tantanakuna ukupi, Franklin Galarza, Kiti Ukupikamay Wasi pushak, kashna llaktakunaman mayayashpa kamachikkakunata rikushpa ashtawan Antisuyu warmikunata tipanakuk llakimanta rikushpa rimaykunawan katinapak riksichin, maypika paykunapak ayñikunata ukllashpa shinapash harkanapak nirkakuna. Kullki yanapayta mana charirkakuna shinapash tukuypak yanapaykamay wankurikawsaymanta, pukuchimanta shinapash kullkimanta pukaranapak rimarkakuna.
Freddy Villamagua, Marka Llaktakamayu, mamallakta tukuy markakunamanta achka wakcha kan nirkakuna. Tukuy mustrurikunapi wankurishpa llankanapak riman shinapash tukuy Antisuyu kamachikta mushukyachinapak kawsaymanta rikushpa kallarinapak riksichirkakuna.
Antisuyumanta pushakkuna, kiti kamaywasi pushakkuna; shinapash, Ñawpak yuyay Chukikamay Kamachikmanta, yaku llukshik urkumanta yanapakkuna aynirkakuna, maypika achiklla kawsaypacha hayñimanta, yakumanta, alli kawsay chayshina yachaymanta rimarkakuna.
Josefina Tunqui kawsay shinapash tawkasami kawsaymanta rimarkakuna, musturishka tantanakuyta wiñachishpa sinchiyachinapak. María Antún, Centro Luis Shuar llaktamanta, imashina chukikamaykuna kawsaypachakunata llakchishkata riksichishka hawa, chay llakikunata allichichun mañankuna. Ashtawan, kamachikta paykunapak shwar shimipi killkachun rimankuna.
Roberto Guachapa, Mamallakta tantanakuyta apuk, chunka chuski kawsaymarkakunamanta rikuk, chimpapura rimaykunawan, wankuri llakta ushayta alli pacha sinchiyachinapak yuyankuna. Pachamamapi tiyak achkapachata rinami kan ashtawan pachamamayak yanapaykamaypi achiklla shinapash paktayuyaywan kamanata riksichirkakuna.
Piedad Wampash, Gualaquiza Kiti Wasi ukuta pushak, 30% chay kawsay llankakunami chukikamayta tukyachinapak shinapash chukikamay manapaktaytapash llankaypak arinishka tiyankuna nirka. Llaktapi tukuy 193 tukyachinapak arinishka tiyashkakuna; 58 arinishkamanta tukuykunami llankaypak pakta tiyakun, yaku llukshik urku chayshina ayllukunapak kawsayta llakichinkuna. Kawsaypacha waktaymanta yachaywan utkalla kallarichun, tukuy llakipi tiyak manyakunata rikushpa kallarichun rimankuna. Ashtawan, llaktapi chukikamay llankaykunawan katikushkamanta, kullkita churachun, kay yachayman, alli kawsaypak mamapachatapash allichinapak mañankuna.
Paypak manyamanta, Mercedes Mancheno, Morona kiti yaku llukshik pukyukunata kamak, runapak hayñi shina, yaku maymutsuripi rikushpa kamanamanta rimarka. Kay mamapachata rikushpa kamanapak shuk llika kawsaykunata wiñachishpa paktachinata rimarkakuna.
Carlos Zavala, Agencia de Regulación y Control de Energía y Recursos Naturales no Renovable pushak, kamay wasipak hatun paktay kanmi markata wiñariykunapi yuyashpa llankanapak, hillaywan titichaskata mayllashpa aripaktachikwan charirayaypak paktachinapak rimarkakuna.
Antisuyu sayway
Shinapash, Antisuyu Sayway Allpa Kamachik mushukyachinapak, warmikunapak llika pushak shinapash Karupi Kikinllatak Kamachik Antisuyumanta minkashka, tukuyman kullkita rikushpa alli rakichun rimankuna, shinallatak warmikunapak makay llakichikunata kapakkamay achiklla ñawparikuykunapi paktachichun rimankuna.
Auxilio Vera, Warmikunapak Tantanakuymanta wañuykuna yupaykuna wiñarishkamanta, atirishpa warmikunata chichuchi shinapash wawakunapak llaki wañuymantapash rimarkakuna. Shinallatak ayllullaktapi tukuy mitachi mutsurikuna waklliri tiyashkamanta, chay llakikuna warmikunata yapalla sarushpa wakllichinkuna nishpa riksichirka. Ashtawan, kay kapakkamaywan yanapachun paypak kikinyay ashtawan ayllu shinapash ayllullakta waki kullkita llankaykunapi paktachinapak mutsurishkata mañarkakuna.
Rocío Rosero, Coalición de Mujeres Ecuatorianas tantanakuymanta, harkaypak kamachik mushukyachinata mañashpa ñawpak yuyayta, paktakaypak chayay tiyachun shinallatak millayta harkashpa ruray katichiykunata sinchiyachun chayachirka.
Alberto Arteaga, Mancomunidad de Gobiernos Municipales de Morona Santiago (Magams) pushak, yanakuri katushka kullkikunata tukuyman paktalla rakishpa yallichichun mañarkakuna. Fabricio Narvaéz, Conagopare kamay wasimanta, Antisuyu Kamachikta utkalla mushukyachichun shinallatak hatunkullkita yuyarishpa ashtawan kitilli kamachikpak mishanakuykunata tikrachichun rimarka.
Manarak tantanakuyta tukuchishpa, kamachiy killkakkuna ishkay kamachikkuna maymutsurikunamanta rimarirka shinapash yuyaykunata chaskishka tiksichanikankami ñawpak yuyay kamachikta paktalla wiñachinapak nirkakuna.
RSA/eg/gu-k
