Kay awaki puncha, 20 kuski killapi, Garantías Constitucionales, Derechos Humanos, Derechos Colectivos y la Interculturalidad Minkarishka tantanakuy, ñawpak yuyay Wamrakunapak Kamachik allichinapak rimaykunawan katinkuna. Kay pachapi, kay 26 nikimanta 64 nikikama manarak llankaywillayta kallari chimpapurayman yallishpa shuktak rimaykunawan katinkuna.
Kamachiy Killkak Paola Cabezas kay ñawpak yuyaykunata kutishuk kamachikkunawan tantachishpa rikushpami mutsurikunata paktachichun rimankuna, chay rimaypi Sumak Hatun yachay ashtawan Tukuypak mitachi, wamrakunapak mamakamachikpi paktachishka hayñikunata kamanapak rimarka.
Ñawpak yuyay rimanakushpa katipi, Kamachiy Killkak Gruber Zambrano, kay yachay escolarizada uchilla yachana wasikunapimi kan, mana escolarizada kishpiyrita ruran, chayta uchilla yachana wasi ukumanta rikukwan paktachin. Chayshina, mana yachay allichishka shina tiyanchu. Shinapash, chay rimaykunata ñawpak yuyaypi tikrachichun “experiencia no escolarizada” shimita “no formal o informal” shimiman paktachichun mañankuna.
Kamachiy killkak Mario Ruiz rimaywan, kay ñawpak yuyayka mamallaktapi kawsakkunapak rikushpa paktachishkami, kawsaypak ushaypi, llaktapi chakray tarpushpa ashtawan satalliruray yachayta paktachinapak rimankuna.
Shukmanta, Paola Astudillo Sumak Hatun Yachaymanta pushak, sukta killakunapi mashna yachakukkunaman kullkiyanapayta karashkpa katishkamanta riksichichun chay rimaykunapi killkashpa chayachichun mañarka.
Kamachiy killkakkunapak rikuchiykunata uyashka hawa, Minkarishka tantankuyta pushak, Fernando Cabascango, kay kamachikka kamachiy killkakkunapak yuyayta chayachikkunapak samayta wakichinmi shinapash Sumak Hatun Yachaykunapak minkashka tantanakuymanta mañashkata hatun mutsurikunata ñawpachikun nirkakuna.
Minkarishka tantanakuyta yanapakkuna kay riksichikunapi, wamrakunapak yachay tukuchinapak mutsurikkunata paktachishka hawa, Tukuypak Kamaywasi shinapash Shukpalla Llankakwasi llankayman makichurashpa tikrachichun rimankuna.
Chay iñu rimaykunallapi, Kamachiy Killkak Victoria Desintonio, wamrakunapak imapi llankashpa yallishpa mañashkata anchuchichun shinallatak kallari llankay tiyachun rimaykunapi churachun mañarkakuna.
Tukuripi, Tantanakuyta pushak, Fernando Cabascango, kay shamuk wanra puncha 21 kuski killakama kamachiy killkakkunapak shuktak yuyaykunata charishkata chaskinapak willarka, kay ñawpak yuyayta rikushpa allichishpa paktachinapak rimankuna.
GU/eg/gu-k
