Garantías Constitucionales Minkashka tantanakuypi, Azuay markamanta ayllullaktakuna chayshina kiti ukumanta llaktakunamanta minkashkakuna, yakuzirma soldados yanuncay rurashkamanta llakichishkamanta riksichirka, mushuk samana pampa Cuenca kitipi, chaymanta kamachiy killkakkunata ñawpak yuyayta rikuchun mañankuna. Kamachiy tantanakuy llaktakunaman llankayñankunata killkashpa yallishpa rikunapak chayshina llaktayukkuna ima mtsurikunata charishkata rikunapak arinirkakuna.
Mario Farez, ayllullaktakuna chayshina kiti uku ayllullaktakunamanta minkashka, yallishka 27 kuski killa tukuy marka tantanakuyta wiñachirka, maypika ayllullaktakuna, ishkay niki tantanakuy, llaktakuna, wachay llaktayukuna chayshina kitimanta llaktakunapash wankurirkakuna, kay hatun paktami kan runahayñikunata rikunapak rimarkakuna.
Kay mayu shinapash kawsaypachata mapayachishpa llakikunamanta, yakuzirma rurashka chayshina mushuk samana pampa Azuay markapi, Mamakamachik 57 niki, 7 yupayta sumaychay tiyachun mañankuna, ñawpatak tapuy, kishpiyri ashtawan willashka kay llankayñan chayshina ruray katichiy rikuykunata, tukyachi ashtawan tukuy hillaykunata mintalanayay maypika allpa pachapi tiyashkata chayshina pachamamayak mana shinashpaka kawsayta llakichinkakuna nirka.
Sonia Otavalo, ayllullakta tantanakuy kallarimanta pushak ñawpak yuyay yakuzirma rurashka Yanuncay mayu yallikpi wiñarin, chay manyapi tiyak chikan chikan ayllullaktakunata llakichinka nirkakuna. Manarak llakikunapi yaykushpa uktalla rikuykunata paktachichun tukuy llaktayukkunata tantanakuykunata rurashka hawa paykunapak kuchun rimankuna. Chaymanta, ElecAustro shinapash kawsaypachakunamanta mañachi panka kushkata 2021 wayru killapi tikrachishkata taripaykunata rurachun mañankuna.
Yessica Pushi, Hermano Miguel kitillipi kawsakkunapak minkashka, Azuay marka, Cuenca kitipi ñawpak yuyaykunata allpa pachata chayshina llaktayukkunata llakichinapak katinkuna, chay manyata yallik mayukunata llakichinkuna. Mushuk samana pampa wiñachi Machángara mayu manyapi hawatupukunata llakichinkuna chayllapi sakichun rimankuna.
Tukuy llaktakunaman riksichishpa chayshina tapushpa paktachi tiyana nirka, mana shinashpaka, runahayñi shinapsh tukuy llaktayukkuna ayllwan kawsakkunata achkata llakichin. Shukmanta, Erika Lojano, 19 wata charik, La Inmaculada ayllullaktamanta, kay yakuzirma ayllullaktakakunata wallichinka nirka. Nimapak mana tapushkachu kay ñawpak yuyay wiñachinamanta riksichin.
Paypak manyamanta, kamachik killkak Mario Ruiz kay kawsaypacha llakichikunaka tukuy markakunapi tiyak, chukikamay shinapash allpawira llankachun minkay rikushkamanta riman. Tawka ayllakta shinapash llaktayukkunamanta huchachikuna tiyashka mana tapushkakunachu maypika runahayñi shinapash sapsi hayñikunata llakichishmanta. Consejo de Administración Legislativa shuk ñaruray minkashkata wiñachishpa chukikamay shinapash allpawira llankachun minkayta paktachishkamanta ashtawan llankayyuyari aspi Mamallaktamanta takay pachamamayak kushkamanta rikuchun kallarinka nirkakuna.
Kamachiy killkak Jhonny Tapia kay Garantías Constitucionales Minkashkata kay Azuay markamanta ayllullakta kawsakkuna, chakrakamayuk shinapash wiwakamayukkuna, mayu mukllayachishka llakikunata charishkata uyashkamanta achkata yupaycharka.
JLVN/pv/gu-k
