Kamachiy Killkakkunapak Tantanakuy kay Movimiento Unión por la Esperanza (Unes), Mamallakta Kamachiy Yanapakta llaktay ñawinchi mañay killkayta churarkakuna, Íñigo Salvador, paypak awllikunata mana alli paktachishakamanta, Mamakachik chayshina shuktak kamachikkunapi rikushpa rimankuna.
Kamachiy Tantanakuypak shutipi, Kamachiy Killkak Ferdinan Álvarez, kay llaktay ñawinchita ishkay wanakuykunata Mamallaktapak shutipi churashkata, Allitarikuriyak mamallaktapak mutsurikunapi rikushpa mitsanapak, ista llankaywasikunami kullkita yallichina nishpa harkarka, maypika chay mana alli arinikunata paktachishkamanta chaskishpa tukuy yanapayman tikrachinapak llakichishkakuna maypika hapishka kullkikunawan uchilla yacha wasikuna, hampina wasikuna chayshina llankay wiñachikunata rurashpa paktachinapak rimankuna.
Íñigo Salvador “Ecuador runakunata shinallatak tukuy Mamallakta Kamachiy Yanapak Wasitapash ñakashkakuna”, chayshina kay ista mamallakta wanakuypi llankakwasi Perenco churashkamanta, shinapash, sarun wata llankakwasipash yanapay tiyachun nishpa katishka, awllik ñawpachirka kay Ecuador Mamallakta kunami kan chayshina mañayta paktachishpa rimankuna.
Kaymanta, Allitarikuriyak takyachirka maypika killkachaykunata Lenin moreno Mamallakta ñawpa pushakman chayachishkata riksichin, maypika arinishpa kay Ñawpa Kullki Kamay Wasiyuk Richard Martínez, ista manupitikunata ñawpashpa tikrachirkakuna maypika waranka waranka Covid-19 unkuywan wañushkakunata manyaman yanapanata sakishpa llakichirkakuna.
Tukurimanta, kamachiy killkak satallichak yachaypi rikurin mana alli llankayta paktachishka kay Mamallakta Kamachiy Yanapak Wasimanta, chashna yuyaymanta llaktay ñawinchi mañay killkayta churashkata rimarkakuna.
PV/gu-k
