Hunta rimanakuy Mamallakta Tantankuy, 74 arinishka apuchikunawan, kamachikunapak tantanakuy kamachik yanapakkuna riksichishkata hamutarka shinapash chaskirkakuna, maypika mana alli paktachikuna kay chunka puncha manukunapi, Mamallakta pushakmanta 2021 milkapankata tukuy mana alli killkaykuna tiyashkata rikushpa allichikun nishpa Mamallakta Tantanakuy mana kutichishkamanta mushukyachinapak kutichishkakuna.
Mamallakta Tantanakuy sapi 2021 hatunkullki milkapanka rikuywan katinkuna, chay kipaman Hunta rimanakuy chunka shuk kawaykunata rurarka chinapash 21 kuski killapi; 295 niki, 3 yupaypi Mamallakta pushakman chayachishkata kutin tikrachina karka mushuk rikuchiy hatunkullkita kallaripi chayachishkatapash mana rimarishka, kay manu kamachiy 01 puncha wayru killa 2021 watapi pachakuna paktarka.
Mamallakta Tantanakuy sinchiyuyarikunapi willachin mana rikuchiy milkapanka hatunkullki 2021 wata shinallatak Ruray katichiy hatunkullki 2021 – 2024 chusku watakunapak mana arinishpa paktachishkamanta, Mamallakta pushakta llankaypi yaykuchipi chayachishka, Mamakamachik chayshina kamachik churaykunata willayta rurankakuna.
Chay yuyaypi, riksichishpa sakirka kay Mamallakta Tantanakuy rikuchiyta riksishpa katirka, sinchiyuyari RL-2021-2023-029 21 kuski killa 2021 watapi riksichi, Mamallakta pushakman minkashka yachay Nro. AN-SG-2021-0781-O chay pachakuna llapitak chayachirkakuna.
Mamallakta pushakmanta milkapankakunata chayachishka ashalla punchakunapakmi kan, Hunta rimanakuy mana riksita chayshina arinikunata ruray usharkachu, maypika kay 295 niki Mamakamachikpi, milkapankata mana arinishka tiyakpi, 2020 hatunkullki puchushkawan katinkuna. Kay pacha sinchiyuyari Mamallakta pushakman chayachishkami kanka, pushak Guillermo Lasso chayachishkata, kay Kamachiy Kipuk llika pankapi killkarikuchinapak.
JLVN/pv/gu-k
