Tukuy tantanakuy aynikuywan, Colombia, Chile, Bolivia shinapash Ecuador pushakkuna chayshina willakkunawan, ista tantanakuy “AMÉRICA LATINA RUNAHAYÑI KAKUNAMAKIKUNATA: Llakta Ushay, Neoliberalismo, Runahayñikuna”, Kamachiy Tantanakuykuna kay rimaykunata paktachirka, ñawparikuy, taripay shinapash Mamallakta chayshina llaktayuk millaykunata allichinapak.
Kamachiy killkak Jhajaira Urresta shinapash Viviana Veloz, Tukuy tantanakuymanta, kay hatun rimanakuy paktachi shuk llika latinoamericana runakunapak hayñikunata kamanapak, shinapash, Colombia, Chile, Bolivia chayshina Ecuador mamallaktakunapi millay runakunapak hayñikunata urmachikunata rikunapak.
Fernando Cabascango, Mamakamachiy Paktachiy, runakunapak hayñi, sapsi hayñikuna ashtawanpash Kawsaypura Minkashka, Ecuador Mamallaktapi runakunapak sinchi shayarikuna kunan watakunapi sakishka Mamakamachikta charichun, maypika tukuy runakunapak Sumak Kawsayta charichun rimankuna.
Franklin Ramírez, Ecuador Mamallakta yachayuk, pakta pakta kaparikuna shinapash sinchi shayrikuna América Latina llaktakunapi, llaktayuk kawsaykunapak llaki rikurishkakuna, llakta llakikuna shinapash llakta ushaynchikan chika kamay wasikunawan karuyan llaktayukkunawan nirkakuna.
Bolivia yachayuk, Gabriel Villalba, paypak mamallaktamanta umachik iñumanta utkalla rimashka hawa, imashina mamallakta wiñarishkata riksichirkakuna, kay mushuk Mamallakta chikan chikan kawsay markakunawan shinapash runakunapak llaktakuna shinapash Kawsaymarka churashkakuna nirka.
Yachayukkunapak Valentina Olivares, Chile shinapash Javier Calderón, Colombia mamallaktakunapi kullki llaki tiyashkamanta llaktayukkuna sinchi shayarikkunaman shukshishkakuna, hayñikunata llakichi, paktalla kawsay mutsuri shinapash llankay waklliri, shuktak llakikunamanta kaparikunaman llukshinkuna nishpa rimarka.
KC/pv/gu-k
